NEHEMIA 8:6 - KITTA KAREBA MADECENG

⁶ Makkedani Ezra, “Pojiwi Puwangnge, Allataala iya battowaé!” Nakkani limanna ra'ya'é matanré-tanré sibawa mappébali, “Aming, aming!” Nainappa mennang suju' sompai Allataala.

NEHEMIA 8:6 ပူးပေါင်းရင်းမြစ်များ

KAJAJIYANG 14:22

Nappébalina Abram, “Mattanroka ri yolona Puwangnge, Allataala Iya Pommatanré, Pappancajinna langié sibawa linoé,

KAJAJIYANG 24:26

Nasuju'na iyaro ataé sompai Puwangnge.

1 TAWARIKH 16:36

Pojini Puwangnge, Allataalana Israélié, makkekkuwangngé sibawa mannennungeng! Nainappa makkeda umma Israélié, “Aming”, nanapojiwi mennang Puwangnge.

1 TAWARIKH 29:10

Napoji-pojini Arung Daud Puwangnge ri yolona tau maégaéro. Makkedai, “Oh Puwang Allataala iya nasompaé Yakub toriyolota, ripojiko untu' mannennungeng!

1 TAWARIKH 29:20

Purana massempajang makkuwaro, makkedani Daud lao ri tau maégaé iya maddeppungengngé kuwaro, “Pojiwi Puwang Allataalamu!” Nasininna tauwéro poji-pojiwi Puwangnge, Allataala iya nasompaé toriyolona. Nainappa mennang suju' untu' pakalebbii Puwangnge sibawa arungngé.

2 TAWARIKH 20:18

Nasuju'na Arung Yosafat. Maccowé toni sininna ra'ya'é sibawa aléna suju' sompai Puwangnge.

2 TAWARIKH 29:10

Makkekkuwangngé maéloka mébbu assijancing sibawa Puwangnge, Allataalana Israélié, kuwammengngi dé' namacaina lao ri idi.

2 TAWARIKH 29:30

Arungngé sibawa sining tomariyolona masaraka'é suroi sining tau Léwié makkélong untu' Puwangnge pappoji-pojiyang iya nakarangngé Daud sibawa Nabi Asaf. Makkélonni sininna tauwé sibawa marennu senna namakkaluttuto sompai Allataala.

2 TAWARIKH 6:4

Makkedani, “Riyolo purai majjanci Puwangnge lao ri ambo'ku Daud makkuwaé, ‘Sipongenna Utiwi umma'-Ku massu polé ri Maséré lettu essoéwé, ri wanuwanna Israélié dé' gaga muwi séddi kota iya Upilé mancaji onrong kégi harusu ripatettong bola untu' onrong assompangngé lao ri Iyya, sibawa dé'to muwi séddi tau iya Upilé untu' pimpingngi umma'-Ku Israélié. Iyakiya makkekkuwangngé Upiléi Yérusalém selaku onrong assompang lao ri Iyya. Na iko Daud, Upilé untu' paréntai umma'-Ku!’ Ripojiwi Puwang Allataalana Israélié iya puraé rupaiwi jancin-Naro!”

NEHEMIA 5:13

Nainappa ulukka pabbekkekku nauleppessangngi umakkedato, “Makkuwaiyé sitinajanna Allataala paleppe'i tungke' tau iya dé'é narupaiwi jancinna. Iyaro tauwé mancaji kasiyasiwi matu, bola sibawa sininna waramparanna riyalai matu ri Allataala!” Nappébali sininna jema'é, “Aming!” nainappa napoji Puwangnge. Narupaini jancinna mennang sining pamimpingngéro.

NEHEMIA 8:7

Purairo tokkonni mennang sibawa tettong ri onronna tungke'-tungke', na siyagangngaré tau Léwi pakatajangngi Hukkungngéro lao ri mennang. Iyaro sining tau Léwié iyanaritu: Yésua, Bani, Sérébya, Yamin, Akub, Sabetai, Hodia, Maaséya, Kélita, Azarya, Yozabad, Hanan sibawa Pélaya.

MAZMUR 134:2

Akkai limammu lao ri onrong mapaccingngé, sibawa pojiwi Puwangnge!

MAZMUR 141:2

Tarimai sempajakku selaku pakkasuwiyang dupa, sibawa limakku iya maddeppa-reppaé selaku akkarobangeng wenni.

MAZMUR 28:2

Engkalingai paréllaukku rékko goraka méllau tulung, sibawa makkai limakku mattuju ri Bola-Mu iya mapaccingngé.

MAZMUR 41:13

Mutulukka nasaba alempurekku, sibawa mébbuka tuwo sibawak-Ko untu' mannennungeng.

MAZMUR 63:4

Lebbi mangke'i pammasé-Mu naiya atuwongngé, rimakkuwannaro upoji-Ko.

MAZMUR 95:3

Saba' Puwangnge iyanaritu Allataala iya marajaé. Arung poré iya cauéngngi sininna déwataé.

ASSURENG 12:27

Harusu'ko baliwi, ‘Iyaé akkarobangeng Paskaé untu' pakalebbii Puwangnge, saba' nalaloiwi bolana sining tau Israélié ri Maséré, wettunna nauno ana' worowané macowana tau Maséré'é, na idi naleppessakki tuwo!’ ” Nanakkaluttuna sining tau Israélié sibawa massompa.

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

YEREMIA 28:6

“Makessinni! Memmuwaré iyaro botomu kajajiyangngi, sibawa tonget-tongengngi Puwangnge tiwii lisu polé ri Babél barab-barang Bolana Puwangnge silaong sibawa sininna tau iya puraé ripali lao kuwaro.

ANGIMANGENG 9:24

Tennasenna-sennana napanonnoi Puwangnge api iya tunuéngngi gangka cappu akkarobangeng ritunué sibawa sining bagiyanna iya mallunra'é ri yasé'na mézbaé, wettunna naita umma Israélié, gora-gorani mennang nainappa suju' massompa.

MATIUS 26:39

Nainappa Yésus lao mabéla-béla céddé, nanakkaluttu ri tanaé massempajang. Adan-Na, “Ambo', rékko weddingngi, pabélaini polé ri Iyya anrasa-rasang iya harusu'é Upéneddingi. Iyakiya aja' nasituru' élo-Ku, sangadinna situru élona Ambo' bawang.”

MATIUS 6:13

Aja' taleppessakki ateddéngeng ateppereng wettutta ricobai, iyakiya taleppessakki polé ri akuwasanna iya mappéjariyé. [Ikona Arung makuwasa sibawa malebbi lettu mannennungeng. Amin.]’

1 KORINTUS 14:16

Saba' rékko mattarima kasi'i Saudara lao ri Allataala sibawa rohna bawang, na engka tau laing iya dé'é napahangngi iyaro basa makalallaing polé ri Rohna Allataala, tentu iyaro tauwé dé' naulléi makkeda, “Usitujuiwi” iyaro sempajang sukkuru'mu; nasaba dé' naissengngi aga napowada Saudara.

EFESUS 1:3

Ripojiwi Allataala, Ambo'na Puwatta Yésus Kristus! Nabarakkakiki sibawa sininna barakka rohanié ri laleng surugaé, nasaba masséddiki sibawa Kristus.

1 TIMOTIUS 2:8

Uwéllauwi kuwammengngi muwi kégi massempajangngi worowané sibawa ati iya mapaccingngé, dé namacai iyaré'ga massasa.

1 PETRUS 1:3

Laono mai tasukkuru ri Allataala, Ambo'na Puwatta Yésus Kristus! Namaséi senna'ki, iyanaro saba'na nawérékki atuwong mabaru, ri laleng napatuwona paimeng Yésus Kristus polé ri amaténgngé. Iyaé nawérékki amménasang iya mannennungengngé.

WAHYU 7:11

Sininna malaéka'é tettongngi mattulilingiwi kadéra arajangngé enrengngé sining pamimpingngé kuwaéttopa iya eppa mahlu'éro. Iyaro sining malaéka'é tassulunni ri yolona kadéra arajangngé nainappa sompai Allataala.