NEHEMIA 8:4 - KITTA KAREBA MADECENG

⁴ Tettonni Ezra ri mimbara ajué iya puraé riyébbu untu' apparelluwanna addéppungengngéro. Ri seddé ataunna tettongngi sining tauwéwé: Matica, Séma, Anaya, Uria, Hilkia sibawa Maaséya; na ri seddé abéyona tettongngi: Pédaya, Misaél, Malkia, Hasum, Hasbadana, Zakharia sibawa Mésulam.

NEHEMIA 8:4 ပူးပေါင်းရင်းမြစ်များ

EZRA 10:29

Appang Bani: Mésulam, Malukh, Adaya, Yasub, Séal sibawa Yéramot.

EZRA 10:33

Appang Hasum: Matnai, Matata, Zabad, Elifélét, Yérémai, Manasyé sibawa Siméi.

NEHEMIA 11:7

Anggota-anggotana suku Bényamin: Salu ana' Mésulam sibawa eppona Yoéd. Siyagangngaré ri yelle'na néné-nénéna iyanaritu: Pédaya, Kolaya, Maaséya, Itiél sibawa Yésaya. Gabai sibawa Salai. Massiyajing sumpulolo macawé'i mennang sibawa Salu. Jumellana iya maneng 928 tau, ripimpingngi ri

NEHEMIA 8:3

Nainappa, polé ri élé lettu lakesso, nabacani Ezra iyaro Hukkungngé lao ri mennang. Naéngkalinga manenni mennang sibawa puriyatiwi.

NEHEMIA 8:5

Panggung naonroiyé Ezra tettonro lebbi tanré naiya sining tauwéro, angkanna naullé manengngi mennang mitai. Natimpa'na muwa kitta'éro, tettong manenni mennang.

NEHEMIA 9:3

Kira-kira tellu jang ittana, kitta Hukkunna Puwangnge, Allataalana mennang, ribacangeng mennang sibawa tellu jang rappina mangakuiwi dosa-dosana. Purairo suju'ni mennang sibawa sompai Puwangnge, Allataalana.

NEHEMIA 9:4

Kuwaro engka mimbara untu' sining tau Léwié na ri yasé'na tettonni Yésua, Bani, Kadmiél, Sébanya, Buni, Sérébya, Bani sibawa Kénani. Nasibawang sadda macenno massempajanni mennang lao ri Puwang Allataalana.

MATIUS 23:2

“Guru-guru agamaé sibawa sining tau Farisié lolongeng akuwasang untu' tasséré'i hukkunna Musa.