NEHEMIA 8:2 - KITTA KAREBA MADECENG

² Nanatiwini Ezra iyaro kitta'é ri yolona jema'é, worowané, makkunrai sibawa ana'-ana' iya balléré'énna untu' mappahang.

NEHEMIA 8:2 ပူးပေါင်းရင်းမြစ်များ

NEHEMIA 10:29

Yaggabungeng manengngi aléta silaong sining pamimpitta sibawa mattanro untu' tuwo situru hukkunna Allataala iya puraé Nabbéréyang naolai Musa, atan-Na. Tennapodo natanroiki Allataala rékko dé' tarupaiwi iyaé assijancingngéwé. Mattanroki maélo mapatoiwi sininna paréntaé, hukkungngé sibawa peraturanna Puwangnge, Allataalata.

NEHEMIA 13:1

Wettunna ribacangeng hukkunna Musa lao ri ra'ya'é, rilolongenni pappakatajangngéwé: ‘Tau Amongngé sibawa Moab-é dé' sises-siseng nawedding masséddi sibawa umma'na Allataala;

NEHEMIA 8:18

Pitungngesso ittana mennang mappésta. Esso-esso nabaca Ezra bagiyab-bagiyanna kitta Hukkunna Allataala. Ri esso maaruwaé ripakangkani upacara pattutu'na, situru sibawa peraturang Hukkungngé.

NEHEMIA 8:9

Naéngkalingana abbacangenna Hukkungngéro, messé senna'ni ra'ya'é, nainappa teri. Na gubernur Néhémia sibawa Imang Ezra ahli Hukkungngéro, enrengngé sining tau Léwi iya pakatajangngéngngi Hukkungngéro, powadai lao ri sininna ra'ya'é makkuwaé, “Iyaé essoé, esso ripallaing untu' Puwang Allataalamu, jaji aja' mumasara iyaré'ga teri.

NEHEMIA 9:1

Ri tanggala duwappulona eppa ulengngéttoro, maddeppungenni ra'ya' Israélié. Mappuwasani mennang untu' mappaitangngi assesekalénna lao ri dosa-dosana. Napallainni aléna polé ri sininna tau laingngé. Selaku tanrang masussa, pakéi mennang kaing karung sibawa guguriwi ulunna tana. Nainappa mennang tettong sibawa mangakuiwi sininna dosana sibawa dosana toriyolona mennang.

YESAYA 28:9

Maddarékéi mennang passalekku, adanna, “Nasengngi niga napagguru? Niga topa iya parellué pappakatajang? Nasekki idi'é ana' baiccu iya nappa risalla'é susu?

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

ABBILANGENG 29:1

Ri tanggala séddinna uleng pitu harusu'ko pakangka addeppu-deppungeng untu' massompa, sibawa dé' nawedding pogau' pallaung iya matane'é. Ri essoéro sining tarompé'é harusu'i ripaoni.

RIWAYA'NA RASUL-RASUL-E 15:21

Saba' hukkunna Musa riyolopa nariyolo naribacangeng tungke' esso Saba' risining bola assompangngé, sibawa riyabbirittang ri sininna kotaé.”

ULANGENG 17:18

Rékko séddié tau rilanti mancaji arung, harusu'i riwéréng séddi kitta iya mallise'é hukkung-hukkunna Allataala iya rilémbaé polé ri kitta asellinna iya nataroé imang-ngimang Léwié.

YOSUA 8:35

Tungke paréntana Musa nabacai Yosua lao ri sininna umma Israélié iya maddeppungengngé kuwaro, muttama'ni makkunraié, ana'-ana'é, sibawa sining tau laing iya monroé ri yelle'na mennang.