NEHEMIA 8:17 - KITTA KAREBA MADECENG

¹⁷ Sininna ra'ya' iya lisuénna polé ri appalirengngéro naébbuni kalampang-kalampangngéro, nainappa monro kuwaro. Iyanaé bunge' pammulanna ripogau' gau'éro sipongenna Yosua ana' Nun, namasennang manenna sibawa mariyo-riyo.

NEHEMIA 8:17 ပူးပေါင်းရင်းမြစ်များ

1 TAWARIKH 29:22

Iyaro essoé manré ménunni mennang sibawa marennu ri yolona Puwangnge. Nainappa untu' mabbékkaduwanna nappallebbangenni mennang Salomo selaku arung. Ri laleng asenna Puwangnge, narésmikanni mennang mancaji arunna sibawa Zadok mancaji imang.

2 TAWARIKH 30:26

Marowa senna kota Yérusalém nasaba mappammulai wettunna Salomo ana' worowanéna Daud, dé'pa naengka nakajajiyang gau' pada-padaéro.

2 TAWARIKH 35:18

Paska pada-padaéro dé'pa naengka nariramé-raméi sipongenna Nabi Samuél. Dé' muwi séddi polé risining arungngé ri yolona pura ramé-raméiwi pada-pada Paska iya naramé-raméiyé

2 TAWARIKH 8:13

Iyaro sining akkarobangengngé nakkasuwiyangengngi situru Hukkunna Musa untu' tungke esso maraja: Esso Saba', Esso Maraja Uleng Baru, sibawa iya tellu esso maraja pattaungengngé, iyanaritu Esso Maraja Roti Dé'é Raginna, Esso Maraja Engngalang sibawa Esso Maraja Kalampang Daud-daung.

EZRA 3:4

Naramé-raméi towi Esso Maraja Kalampang Daud-daungngé, situru sibawa paraturangngé; na tungke' esso makkasuwiyangeng akkarobangeng iya puraé ripattentu untu' essoéro.

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

ULANGENG 16:15

Pitungngesso ittana harusu'ko ramé-raméiwi iyaro péstaé untu' pakalebbii Puwang Allataalamu ri onrong assompang iya napilé Puwangnge. Arennuno, nasaba Puwang Allataalamu pura barakkaki wassélé tanamu sibawa pallaummu.

IBRANI 11:13

Sininna tauwéro tette'i mateppe' lettu maté. Dé' natarimai mennang gau'-gau' iya najjanciyangngé Allataala, iyakiya banna naitai sibawa duppaiwi polé mabéla. Nanallalengiro napannessai mennang makkedaé bannami mennang tau polé-polé sibawa passompa ri linoéwé.

IBRANI 11:9

Nasibawang teppe', monroi Abraham selaku tau polé-polé ri wanuwa iya najjanciyangngé Allataala lao ri alénaro. Monroi Abraham kuwaro ri laleng kémaé. Makkuwatoro Ishak sibawa Yakub, iya tarimaé janci iya padaé polé ri Allataala.

IBRANI 4:8

Rékko ébara'na purani natiwi Yosua iyaro sining tauwé muttama ri onrong appésaungeng iya najjanciyangngé Allataala, tentu Allataala dé'na nabbicarana passalenna séddi esso laingngé.

YOSUA 1:1

Maténana Musa, atanna Puwang-ngéro, mabbicarani Puwangnge lao ri wakkélé'na Musa, iyanaritu Yosua ana' Nun.