NEHEMIA 8:16 - KITTA KAREBA MADECENG

¹⁶ Nanalaona ra'ya'é malai takké-takkéro. Mébbu manenni mennang kalampang-kalampang risining pabbingeng iya malappaé ri tompo bolana mennang, ri seddé bolana, ri seddé yolona Bolana Puwangnge, ri lapangang seddéna Pintu Gerbang Uwai sibawa ri lapangang seddéna Pintu Gerbang Efraim.

NEHEMIA 8:16 ပူးပေါင်းရင်းမြစ်များ

2 SAMUEL 11:2

Riséuwaé arawéng, moto'nana Daud, joppa-joppai ri pabbingenna saorajaé iya malappaéro. Polé kuwaniro naitai séddi makkunrai mattengngang cemmé, na iyaro makkunraié magello senna.

2 ARUNG-NGARUNG 14:13

Natikkenni Yoas Amazia, nainappa lao ri Yérusalém sibawa ruttungngi témbo'na kotaéro lampéna lebbi kurang duwa ratu météré, mappammulai ri Pintu Gerbang Efraim lettu ri Pintu Gerbang Sunna.

2 TAWARIKH 20:5

Silaongngi mennang sibawa pabbanuwana Yérusalém maddeppungeng ri seddé Bolana Puwangnge iya barué. Tettonni Arung Yosafat ri yolona mennang,

2 TAWARIKH 33:5

Ri iya duwa seddéna Bolana Puwangnge patettongngi mézba-mézba untu' assompang lao risining wéttowingngé.

NEHEMIA 12:37

Lettu'na ri Pintu Gerbang Uwaié Jompié bélo'ni mennang sibawa tuppuiwi addénénna Kota Daud, naolai saorajana Daud, nainappa lisu ri témbo'é ri Pintu Gerbang Uwaié ri seddé alauna kotaé.

NEHEMIA 12:39

Nainappaki molai Pintu Gerbang Efraim, Pintu Gerbang Malaungngé, Pintu Gerbang Balé, Manara Hananeel sibawa Manara Méa lettu ri Pintu Gerbang Bimbala'é. Barisi'ta mappésauwi ri seddéna Pintu Gerbang Anganrowangengngé ri seddéna Bolana Puwangnge.

NEHEMIA 8:1

Ri uleng mapitué mattette'ni tau Israélié ri kotana tungke'-tungke'. Ri tanggala séddinna ulengngéro maddeppungeng manenni mennang ri Yérusalém, ri seddéna ri yolona Pintu Gerbang Uwaié. Naéllauni mennang kuwammengngi nalai Ezra Kitta Hukkungngé, séddiwi tau acca ri laleng Hukkung iya nabbéréyangngé Puwangnge lao ri Israélié naolai Musa.

NEHEMIA 8:3

Nainappa, polé ri élé lettu lakesso, nabacani Ezra iyaro Hukkungngé lao ri mennang. Naéngkalinga manenni mennang sibawa puriyatiwi.

YEREMIA 19:13

Sininna bolaé ri Yérusalém sibawa sininna bolana arung-ngarunna Yéhuda mancaji najisi'i matu pada-pada Tofét; nasaba ri tompo'na pabbingenna sining bolaéro purani tauwé mattunu dupa untu' déwata-déwatana langié, sibawa makkasuwiyangeng anggoro untu' déwata-déwata laingngé.”

YEREMIA 32:29

sibawa tunui gangka cappu silaong sibawa sining bola kégi tauwé paompoi cai-Ku, nasaba ri pabbingenna sining bolaéro tunui mennang dupa lao ri Baal sibawa tiri anggoro untu' pakkasuwiyang lao ri déwata-déwataé.

ULANGENG 22:8

Rékko patettokko bola, harusu'ko sappoi mattulili wiring pabbingenna. Dé' matu mutanggung jawa'i rékko engka tau sempé polé ri pabbingengngéro namaté.