NEHEMIA 8:12 - KITTA KAREBA MADECENG

¹² Nanalisuna sininna ra'ya'é untu' manré sibawa ménung enrengngé bagé-bagéi inanréna lao risining tau laingngé. Masennanni mennang nasaba napahanni bettuwanna ribacaé iya naéngkalingaéro mennang.

NEHEMIA 8:12 ပူးပေါင်းရင်းမြစ်များ

1 TAWARIKH 29:22

Iyaro essoé manré ménunni mennang sibawa marennu ri yolona Puwangnge. Nainappa untu' mabbékkaduwanna nappallebbangenni mennang Salomo selaku arung. Ri laleng asenna Puwangnge, narésmikanni mennang mancaji arunna sibawa Zadok mancaji imang.

NEHEMIA 8:10

Lisuno makkekkuwangngé; anréno sibawa énunno sibawa masennang. Abbéréyangngi sibagiyang polé ri inanrému sibawa anggoro'mu lao ri mennang iya akurangengngé. Iyaé essoé, esso ripallaing untu' Puwatta, jaji aja' mumasussa. Asennangeng nawéréngngékko Puwangnge péwatangiko matu.”

NEHEMIA 8:11

Makkuwatoro sining tau Léwié pattennangngi ra'ya'é sibawa makkeda makkolik-koling, “Aja' mumessé ri esso iya ripallaingngéwé.”

NEHEMIA 8:13

Pappa bajana maddeppungenni sininna kapala appangngé, sining imangngé sibawa sining tau Léwié, nainappa lao ri Ezra untu' magguruiwi sining pappagguruwang Hukkunna Puwangnge.

ESTER 9:22

Saba' ri esso-essoénnaro purai mennang nacau sining balinna, angkanna amessénna sibawa apessénna tappinrai mancaji arennung sibawa ariyo-riyong. Rimakkuwannanaro harusu'i mennang naramé-raméi iyaro esso-essoé sibawa pésta manré nenniya sisullé mabbéré inanré sibawa mabbéré sidekka lao ri tau kasiyasié.

AYUB 23:12

Sining paréntana Allataala tuli uturusiwi, élo-Na uwaccowéri, sibawa tenniya cinnaku muto.

MAZMUR 119:111

Parénta-Mu iyanaritu manaku untu' mannennungeng, iya mébbuéngngi atikku marennu.

MAZMUR 119:127

Uwéloriwi sining parénta-Mu lebbi naiya ulawengngé, naiya ulaweng tuléngngé.

MAZMUR 119:130

Rékko ripakanessai, mabbéréi tajang pappagguruwam-Mu, mabbéréi pappéjeppu lao ri tau biyasaé.

MAZMUR 119:14

Marénnuka maccowériwi sining parénta-Mu, pada-pada mappunnaiwi sininna rupanna waramparangngé.

MAZMUR 119:16

Naébbuka masennang attettekem-Mu; dé' uwallupaiwi matu pappagguruwam-Mu.

MAZMUR 119:171

Tuli maéloka poji-Ko, saba' Mupagguruka Mupattette'é.

MAZMUR 119:174

Nauddaningiwi atikku asalamakeng polé ri Iko, napérennui atikku hukkum-Mu.

MAZMUR 119:72

Untu' aléku hukkum-Mu lebbi mangke'i naiya sininna ulawengngé sibawa péra'é ri linoé.

MAZMUR 119:97

Temmaka upojinna hukkum-Mu; unennungngi puppu esso.

YEREMIA 15:16

Mabbicara-Ko lao ri iyya, sibawa uwéngkalingai tungke ada-adam-Mu. Appunnangem-Mu iyya, oh Puwang Allataala Iya Pommakuwasaé, rimakkuwannanaro pasennangi ada-adam-Mu sibawa nariyo-riyoika.

LUKAS 24:32

Nakkeda mennang séddié lao ri laingngé, “Dé'ga nasamanna luwang atitta wettunna mabbicara ri idi ri tengnga laleng, wettunna napakatajang lise'na Kitta'é lao ri idi?”

ROMA 7:18

Uwisseng makkedaé dé'gaga muwi séuwa iya makessingngé ri laleng aléku; iyanaritu ri laleng ampé-ampéku selaku tolino. Saba' engka cinna ri aléku untu' pogau'i makessingngé, iyakiya dé' uwulléi pajoppai.

WAHYU 11:10

Marennui matu pabbanuwana linoé nasaba maténana iya duwa sabbiéro. Naramé-raméiwi matu mennang enrengngé sisulléi matu sikiringeng hadiya, nasaba iya duwa tau nabiéro purani mappapolé maéga passissang lao ri sininna tauwé ri linoé.