NEHEMIA 8:1 - KITTA KAREBA MADECENG

¹ Ri uleng mapitué mattette'ni tau Israélié ri kotana tungke'-tungke'. Ri tanggala séddinna ulengngéro maddeppungeng manenni mennang ri Yérusalém, ri seddéna ri yolona Pintu Gerbang Uwaié. Naéllauni mennang kuwammengngi nalai Ezra Kitta Hukkungngé, séddiwi tau acca ri laleng Hukkung iya nabbéréyangngé Puwangnge lao ri Israélié naolai Musa.

NEHEMIA 8:1 ပူးပေါင်းရင်းမြစ်များ

2 ARUNG-NGARUNG 23:2

Nainappa silaong mennang lao ri Bolana Puwangnge, riyaccowéri risining imangngé, sining nabié sibawa sininna ra'ya'é, muwi iya kasiyasié iyaré'ga iya sugié. Ri yolona iya maneng mennang, ri seddéna pilar iya ripallaingngé untu' arungngé, tettonni arungngé nanabacai sibawa sadda battowa sininna lise'na kitta assijancing iya puraé naruntu ri Bolana Puwangnge. Nainappa mébbu arungngé assijancing sibawa Puwangnge untu' mapato ri Aléna, enrengngé pajoppai sibawa sukku atinna nenniya sukku nyawana sininna parénta-Na sibawa hukkung-hukkun-Na. Majjanci towi arungngé untu' pennoiwi sara'-sara'na assijancinna Puwangnge sibawa umma'-Na iya tarokié ri laleng kitta'éro. Sininna ra'ya'é turui majjanci untu' mapato lao ri assijancingngéro.

2 TAWARIKH 34:15

Makkedani Hilkia lao ri Safan, “Uruntu'i kitta Hukkunna Puwangnge ri Bolana Puwangnge,” nainappa nabbéréyang iyaro kitta'é lao ri Safan.

2 TAWARIKH 34:30

nainappa lao silaong mennang ri Bolana Puwangnge. Nasibawang mennang maccowé towi imangngé, tau Léwié sibawa sininna ra'ya'é, muwi kasiyasié iyaré'ga sugié. Ri yolona maneng mennang, ri seddéna pilar iya ripallaingngé untu' arungngé, tettongngi arungngé nanabacai sibawa sadda battowa sininna kitta assijancing iya naruntu'é ri laleng Bolana Puwangnge. Nainappa arungngé mébbu assijancing sibawa Puwangnge untu' matinulu ri Aléna nenniya pajoppai sibawa sukku ati sibawa sukku nyawana sininna paréntaé sibawa sining hukkungngé, sibawa pennoiwi sara'-sara'na assijancingngé ri yelle'na Puwangnge sibawa umma'-Na iya tarokié ri laleng kitta'éro.

EZRA 7:1

Mattaut-taung ri munrinna, wettunna Artahsasta mapparénta selaku arung Persia, engka séddi worowané riyaseng Ezra, polé ri wija-wijanna Imang Lompo Harun. Jori assossorenna polé ri yawa liyasé iyanaritu selaku mangoloéwé: Ezra Séraya Azarya Hilkia

EZRA 7:10

Napattujuni Ezra sininna perhatiyanna lao ri Hukkunna Puwangnge, untu' pogau'i enrengngé mappagguruwangngi sininna katentuwangngé sibawa peraturangngé lao ri bangsa Israélié.

EZRA 7:11

Iyanaé sure'-sure' iya nabbéréyangngé Arung Artahsasta lao ri Ezra, séddiwi imang sibawa ahli Hukkung.

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

NEHEMIA 12:26

Iyaro mennang tuwoi ri wettunna Yoyakim ana' Yésua sibawa eppona Yozadak sibawa ri wettunna Gubernur Néhémia sibawa Imang Ezra, ahli Hukkungngéro.

NEHEMIA 12:37

Lettu'na ri Pintu Gerbang Uwaié Jompié bélo'ni mennang sibawa tuppuiwi addénénna Kota Daud, naolai saorajana Daud, nainappa lisu ri témbo'é ri Pintu Gerbang Uwaié ri seddé alauna kotaé.

NEHEMIA 8:16

Nanalaona ra'ya'é malai takké-takkéro. Mébbu manenni mennang kalampang-kalampang risining pabbingeng iya malappaé ri tompo bolana mennang, ri seddé bolana, ri seddé yolona Bolana Puwangnge, ri lapangang seddéna Pintu Gerbang Uwai sibawa ri lapangang seddéna Pintu Gerbang Efraim.

NEHEMIA 8:3

Nainappa, polé ri élé lettu lakesso, nabacani Ezra iyaro Hukkungngé lao ri mennang. Naéngkalinga manenni mennang sibawa puriyatiwi.

YESAYA 8:20

Baliwi makkuwaé, “Engkalingai pappagguruwanna Puwangnge! Tau iya dé'é nabbicara situru sibawa pappagguruwangngéro, dé' nappunnai amménasang.”

ANGIMANGENG 9:5

Sininna iya nappasengengngé Musa natiwini mennang ri yolona Kémaé, sibawa sininna umma'é maddeppungengngi kuwaro untu' massompa lao ri Puwangnge.

MALEAKHI 4:4

Engngerangngi sining pappagguruwanna atak-Ku Musa, éngngerangngi hukkung-hukkung sibawa parénta-parénta iya Uwabbéréyangngé lao ri aléna ri Bulu Sinai untu' riturusi ri sininna umma Israélié.

MATIUS 13:52

Nakkeda Yésus, “Iyanaro saba'na tungke' guru agama iya mancajiyé anggotana umma'na Allataala, pada-padai séddié punna bola iya passué polé ri onrong waramparanna barab-barang barué sibawa malaungngé.”

MATIUS 23:13

“Cilakano iko guru-guru agamaé sibawa sining tau Farisié! Mupoji mabbonga-bonga. Mulawa-lawaiwi tauwé untu' mancaji wargana umma'na Allataala. Nadé' mumaélo mancaji wargana umma'na Allataala, na tau laingngé iya maéloé mulawa-lawaiwi. [

MATIUS 23:2

“Guru-guru agamaé sibawa sining tau Farisié lolongeng akuwasang untu' tasséré'i hukkunna Musa.

MATIUS 23:34

Engkalingai madécéd-décéng: Maélo-Ka kiringngi lao ri iko nabi-nabié, sining tau maccaé sibawa guru-gurué; sibagiyanna mennang muwunoi matu, na sibagiyanna laingngé musallii. Engka matu mupanrasa-rasa ri laleng sining bola assompangngé, sibawa mulellungngi polé riséddié kota lao ri kota laingngé.

ULANGENG 31:11

harusu'ko bacai iyaé sining hukkungngé sibawa sadda macenno untu' sining tau Israél iya polé sompai Puwang Allataalamu ri onrong iya Napilé.

HAKING-HAKING 20:1

Napoléna sininna umma Israélié polé ri Dan ri manorang lettu ri Bérsyéba ri yattang, sibawa Giléad ri alau, untu' pennoiwi pangobbiéro. Maddeppungenni mennang sibawa masséddi ri Mizpa ri yolona Puwangnge.

HAKING-HAKING 20:8

Nassama-samang sining tau iya maddeppungengngé ri onrongngéro tettong sibawa makkeda, “Idi manengngé dé'gaga iya maéloé lisu ri kémaé iyaré'ga ri bolaé.