NEHEMIA 7:5 - KITTA KAREBA MADECENG

⁵ Rimakkuwannanaro napakédoi atikku Allataala untu' paddeppungengngi ra'ya'é sibawa sining pamimpingngé enrengngé tomariyolona, kuwammengngi uwulléi bilangngi mennang situru daftar assossorenna mennang. Ri wettuénnaro uruntu'i catatanna passalenna sining tau iya bunge'-bunge' lisué polé ri appalirengngé. Mangoloéwé iyanaritu pappakatajanna iya ulolongengngé polé ri catatangngéro:

NEHEMIA 7:5 ပူးပေါင်းရင်းမြစ်များ

EZRA 7:27

Nanakkeda Ezra, “Pojiwi Puwang Allataala iya nasompaé néné-nénéta! Purani napakédo atinna arungngé angkanna maéloi jampangiwi Bolana Puwangnge ri Yérusalém.

NEHEMIA 5:19

Uwéllauwi oh Allataala, éngngerangngi sininna iya puraé upogau' untu' bangsaéwé sibawa barakkakika.

NEHEMIA 6:14

Massempajakka, “Oh Allataala, éngngerangngi aga iya napogau'é Tobia sibawa Sanbalatro. Hukkungngi mennang! Makkuwatoro nabi iya riyasengngé Noaja sibawa nabi-nabi laing iya maéloé péttaurika.”

NEHEMIA 7:4

Yérusalém kota iya malowwangngé iyakiya céddé'mi pabbanuwana, sibawa dé'pa namaéga bola ripatettong.

AMSAL 2:6

Puwangnge ritu mabbéré pangissengeng; polé ri Alénai ritu tolinoé lolongeng pangissengeng sibawa pappéjeppu.

AMSAL 3:6

Aréngngerakko ri Puwangnge ri laleng sininna iya mupogau'é, nanajellokekko matu cara atuwong iya makessingngé.

1 KORINTUS 15:10

Iyakiya nasaba pammaséna Allataala, mancajika pada-pada keadaakku makkekkuwangngé. Nadé' naparacuma Allataala maddampengekka. Mala iyya ritu iya majjamaé lebbi marejjing naiya sininna rasul laingngé. Iyakiya iyaro sitongenna tenniya usahaku; iyaro usahana Allataala iya mamaséiyékka sibawa iya majjamaé sibawakka.

2 KORINTUS 3:5

Dé'gaga muwi séddi alasang ri aléta untu' pannessai makkedaé rulléi pogau'i jama-jamangngéwé, iyakiya Allataala mpéréngngi iyaro pakkulléngngé.

2 KORINTUS 8:16

Temmaka sukkuru'ki lao ri Allataala saba' purani naébbu Titus sippato idi untu' tulukko!

KOLOSE 1:29

Untu' lettu ri gau'éro majjama laddé'ka. Uwakkulléyangngi sibawa sininna awatangekku iya nabbéréyangngé Kristus lao ri iyya iya majjamaé ri laleng aléku sibawa penno akuwasang.

YAKOBUS 1:16

Aja' muribengnguwang, Saudara-saudaraku iya upojiyé!