NEHEMIA 7:1 - KITTA KAREBA MADECENG

¹ Tépunnana iyaro témbo'é ripatettong, uwassurowanni kuwammengngi naripasang tange'na. Nainappa sining panganrowang pintu gerbangngé, sining pakkélongngé sibawa sining tau Léwié usuroi pogau'i jamanna tungke'-tungke'.

NEHEMIA 7:1 ပူးပေါင်းရင်းမြစ်များ

2 ARUNG-NGARUNG 7:10

Rimakkuwannanaro lisuni mennang ri Samaria sibawa gora lao ri pengawalna gerbang kotaé, “Poléni' ri akkémanna tau Siriaé, na annessana dé' gaga tau kuwaro. Anyaranna sibawa kaleddé'na mennang ripoléiwi tassiyo mupi ri onronna, sibawa kéma-kémana nasalai bawammi makkuwaro.”

2 TAWARIKH 31:2

Napattette'ni paimeng Arung Hizkia regu-regu sining imangngé sibawa tau Léwié situru abbagéngeng jamanna mennang. Iyaro jama-jamangngé muttama'ni gau'-gau' mangoloéwé: makkasuwiyangeng akkarobangeng ritunu sibawa akkarobangeng pappasidamé, tumaningiwi upacara assompangngé ri Bolana Puwangnge, sibawa pojiwi enrengngé mattarima kasi lao ri Puwangnge ri maddupa-rupang onrong ri laleng Bolana Puwangnge.

EZRA 3:8

Na ri uleng maduwaé, ri laleng taung maduwaé lisunnana tau Israélié ri Yérusalém, mammulani mennang patettongngi paimeng Bolana Puwangnge. Zérubabél, Yésua sibawa sellao-sellaona sibangsaé, sining imangngé, tau Léwié, riponcoki adaé, sininna tau puraé ripali, maccowé majjama. Sining tau Léwi iya makkéumuru'é 20 taung liyasé rijello untu' monrowangngi jama-jamang appatettongenna Bolana Puwang-ngéro.

NEHEMIA 10:39

Ra'ya' Israélié sibawa sining tau Léwié harusu'i tiwi sumbangeng mattette maddupa gandong, anggoro sibawa minnya zaitun risining bili' bokongngé onronna taroi paréwa-paréwanna Bolana Puwangnge. Kuwatoniro onronna sining imang iya mattengngangngé majjama, sining panganrowang gerbang Bolana Puwangnge sibawa sining pakkélongngé. Dé' tajampaléllériwi matu parakaiwi Bolana Puwat-ta.

NEHEMIA 11:3

Ri kota-kota laingngé, ra'ya' Israélié, sining imangngé, sining tau Léwié, sining pajjama-jama Bolana Puwangnge, sibawa wija-wijanna sining pattumaninna Salomo monroi ri tana appunnangenna sibawa ri kota-kotana muto mennang.

NEHEMIA 12:24

Ri yawa pappimpinna Hasabya, Sérébya, Yésua, Binui sibawa Kadmiél, sining tau Léwié ribagéi ri laleng kalompo-kalompo. Sises-siseng engka duwa kalompo iya majjamaé pojiwi Puwangnge sibawa sukkuru lao ri Aléna secara sibali-bali, situru sibawa peraturanna Arung Daud, atanna Allataalaro.

NEHEMIA 6:1

Sanbalat, Tobia, Gésyem sibawa sining balitta iya laingngé naéngkalingani makkedaé purani' pédécéngiwi témbo'é, sibawa sininna sebbo'na purani rilape', namuni iyaro wettué dé'pa tapasangngi tange'na ri pintu-pintu gerbanna kotaé.

NEHEMIA 6:15

Appédécéngenna témbo'éro manréi wettu 52 esso, natépuni ri tanggala duwappulo lima uleng Elul.

NEHEMIA 6:19

Namuni Tobia matteru-terui moki sure' lao ri iyya untu' péttaurika, iyakiya sining pamimpinna Yahudiéro nateppu-teppui ri yoloku akessingenna Tobia. Ri lainnaéro sininna iya upogau'é, nalaporo'i lao ri aléna.