NEHEMIA 6:9 - KITTA KAREBA MADECENG

⁹ Nacobani mennang péttauriki kuwammengngi naripappésau jama-jamangngéro. Massempajakka, “Oh Allataala, péwatangika!”

NEHEMIA 6:9 ပူးပေါင်းရင်းမြစ်များ

2 TAWARIKH 15:7

Iyakiya harusu'ko sabbara sibawa barani. Papoléi wassélé matu usahamu.”

2 TAWARIKH 32:18

Iyaro sining surona Asyur nagora-gorang manengngi iyaro ri laleng basa Ibrani untu' péttauriwi sibawa lemmaiwi sumange'na sining tau Yérusaléngngé iya engkaé ri yasé'na témbo'na kotaé, kuwammengngi naulléi mennang sittaiwi iyaro kotaé sibawa magampang.

EZRA 1:6

Sininna balibolana mennang maccowé bantui ri laleng nawérénna barab-barang, padaénna pakkakkasa-pakkakkasa péra' sibawa ulaweng, bokong untu' ri lalengngé, olokolo pattéké, waramparang laingngé sibawa sining pakkasuwiyang untu' Bolana Puwangnge.

NEHEMIA 6:14

Massempajakka, “Oh Allataala, éngngerangngi aga iya napogau'é Tobia sibawa Sanbalatro. Hukkungngi mennang! Makkuwatoro nabi iya riyasengngé Noaja sibawa nabi-nabi laing iya maéloé péttaurika.”

MAZMUR 138:3

Wettukku mangobbi lao ri Iko, mappébali-Ko, Mupéwatangiwi atikku angkakku mancaji barani.

MAZMUR 56:3

Puppu esso riléjja'-léjja'ka ri balikku. Maéga musuka, oh Allataala Iya Pommatanré.

MAZMUR 68:35

Angakuiwi akuwasan-Na Allataala iya makuwasaiyéngngi Israélié, lettu ri langié akuwasan-Na.

MAZMUR 71:1

Ri alé-Muka mallinrung, oh Puwang, aja' taleppessakka ripakasiri.

YESAYA 40:29

Napéwatangiwi tau iya posoé, nawéréngngi sumange iya dé'é pakkullénna.

YESAYA 41:10

Aja' mumétau, saba' Iyya sibawakko, aja' mumanenneng, saba' Iyya Allataalamu. Upakkasse'ko matu sibawa Utulung, Udulung sibawa limak-Ku iya poré.

YEREMIA 38:4

Nanalaona sining pajaba'éro ri arungngé sibawa makkeda, “Iyaé tauwé harusu'i rihukkung maté. Saba', ri laleng makkeda makkuwannaro napalemmai sumange'na sininna prajuri'é sibawa tau laing iya monroé mupa ri kotaéwé. Dé' natulungngi ra'ya'é, sangadinna nacilakaiwi mennang.”

YEHEZKIEL 30:24

Nainappa Upéwatangi taiyyana arung Babél, sibawa Utaroi peddak-Ku ri laleng limanna. Iyakiya taiyyana arung Maséré upoloi matu angkanna marangngi matu sibawa matéi ri yolona arung Babél, balinna.

ZAKHARIA 10:12

Upéwatangiwi matu umma'-Ku, matinului matu mennang sibawa massompai lao ri Iyya. Iyya, Puwang, pura mabbicara.”

2 KORINTUS 12:9

Iyakiya mappébaliwi Puwangngé, “Uwamaséiko na iyaro genne'ni untu' iko; saba' akuwasak-Ku mala pédé' mawatangngi rékko ri laleng alemmakko.” Iyanaro saba'na lebbi masenna'ka mammingkikengngi sining alemmakku, saba' rékko malemmaka, mala ri wettuénnaro upérasai Kristus linrungika sibawa awatangen-Na.

EFESUS 3:16

Massempajakka tennapodo Allataala iya pommalebbié naéloriwi untu' péwatangiwi batémmu sibawa Roh-Na.

EFESUS 6:10

Paccappurenna, sitinajako mancaji mawatang sibawa awatangeng iya mulolongengngé polé ri akuwasanna Puwangngé, nasaba masséddiko sibawa Aléna.

FILIPI 4:13

Nasibawang akuwasang iya nabbéréyangngé Kristus lao ri iyya, mappunnaika awatangeng moloiwi sininna rupanna keadaangngé.

IBRANI 12:12

Rimakkuwannanaro péwatangiwi limammu iya malemmaé sibawa uttumu iya ténréro!

1 PETRUS 5:10

Iyakiya puramuna manrasa-rasa cinampe', aléna Allataala mébbuko matu mancaji sukku. Napatettokko matu sibawa napéwatangiko enrengngé napakkasse'ko. Saba' Aléna iyanaritu Allataala iya makessing ati senna'é, iya puraé mobbiko untu' turu' pérasaiwi arajan-Na iya mannennungengngé naolai Kristus.

1 SAMUEL 30:6

Masussa senna'ni ana' buwana Daud nasaba ateddéngenni ana'-ana'na sibawa bainéna mennang. Rimakkuwannanaro maéloni mennang genrungngi Daud sibawa batu. Jaji engkani Daud ri laleng asukkarakeng battowaé, iyakiya atinna ripéwatangiwi ri Puwang Allataala.