NEHEMIA 6:8 - KITTA KAREBA MADECENG

⁸ Iyakiya ukiringengngi pappébaliéwé, “Sininna iya napowadaé Saudararo dé' natongeng sibawa karéba bellé polé ri Saudara muto.”

NEHEMIA 6:8 ပူးပေါင်းရင်းမြစ်များ

NEHEMIA 6:7

napurano jello siyagangngaré nabi untu' lanti'i Saudara ri Yérusalém. Iyaro karéba-karébaé pasti lettu matu ri arungngé. Rimakkuwannanaro, poléno untu' bicarai gau'éro.”

AYUB 13:4

Saba' mutongkoi adonggommu sibawa bellé, dé' assilaingenna sibawa sanro-sanro bellé.

MAZMUR 36:3

Nangga'i aléna héba' senna, angkanna dé' namaingekiwi asalanna, sibawa dé' nacéccéi.

MAZMUR 38:12

Massala sellao-sellaoku nasaba lasaku, mala sahaba'ku mabélaika.

MAZMUR 52:2

wettunna Doég, tau Edongngé, polé paissengiwi Saul makkedaé lettu'ni Daud ri bolana Abimélékh.

YESAYA 59:4

Muwapparapekengngi parakaraé temmakkéalasang sibawa madélékiwi dé' naadélé. Mabbelléko sibawa mattuwangngi iya siya-siyaé; mébbuko rancana untu' cilakaiwi tau laingngé sibawa pogau' ja.

DANIEL 11:27

Nainappa iya duwa arungngéro tudangngi matu ri séddié méjang sibawa sisama manré, iyakiya makkatta majai mennang, sibawa sisulléi sibellé. Iyakiya rancanana mennang dé' najaji saba' dé'pa narapii wettunna.

MATIUS 12:34

Iko tau majako, pékkugi mulléi powadai gau'-gau' iya makessingngé rékko majako? Aga napowada iyaro témué massui polé ri atié!

YOHANES 8:44

Ibillisi' ritu ambo'mu. Pammulanna mupa na iyaro Ibillisi' pabbuno. Dé' naengka naccowé ri atongengengngé, saba' dé' atongengeng ri aléna. Rékko mabbelléi, mémeng sitinaja, saba' makkuwa mémenro sipa'na. Pabbelléngngi sibawa assalenna sininna bellé.

RIWAYA'NA RASUL-RASUL-E 25:10

Nappébali Paulus, “Tettokka makkekkuwangngé ri yolona mahkama Kaisar Roma; na ri onrongngénnaro harusu'ka riadéléki. Naisseng aléna Bapa' makkedaé dé' upassala lao ri tau Yahudié.

RIWAYA'NA RASUL-RASUL-E 25:7

Wettunna lettu Paulus, sining tau Yahudié iya lettu'énna polé ri Yérusalém tettong mattulilingiwi, sibawa mappammula pauwi sining natenrekengngéngngi Paulus iya matane'é. Iyakiya dé' naulléi buttikangngi sining nattenrekengngéro.