NEHEMIA 6:16 - KITTA KAREBA MADECENG

¹⁶ Wettunna naéngkalinga sining balitta ri yelle'na bangsa-bangsaé ri seddétaro, métauni mennang sibawa masiri, saba' naisseng maneng tauwé makkedaé iyaro jama-jamangngé ripogau'i sibawa pattulunna Allataala.

NEHEMIA 6:16 ပူးပေါင်းရင်းမြစ်များ

NEHEMIA 2:10

Iyakiya wettunna Sanbalat, tau Bét-Horon, sibawa Tobia, séddiwi pajaba polé ri Amon, naéngkalinga makkedaé poléka untu' apentingenna bangsa Israélié, massessekalé senna'ni mennang.

NEHEMIA 4:1

Wettunna naéngkalinga Sanbalat makkedaé idi tau Yahudié mattengngangngi pédécéngiwi témbo'na kotaé, macai senna'ni sibawa mappammulani méllé-kéllé'ki.

NEHEMIA 4:7

Wettunna Sanbalat, Tobia sibawa sining tau polé ri Amon sibawa Asdod enrengngé sining tau Arab-é méngkalingai makkedaé appédécéngenna témbo Yérusalémro pédé majui sibawa sining sebbo'na témbo'é mammulani rilape', macai senna'ni mennang.

NEHEMIA 6:17

Na wettuéro sining pamimpinna Yahudié sikiring-kiringeng mupi sure' sibawa Tobia.

MAZMUR 109:27

Nanaissengngi matu balikku makkedaé iyaro pangkaukem-Mu, makkedaé Iko Puwang, iya pogau'éngngi.

MAZMUR 126:2

Matteruki macawa sibawa makkélong marennu angkanna bangsa-bangsa laingngé makkeda, “Puwangnge pura pogau' gau'-gau' iya maseroé untu' mennang!”

MAZMUR 129:5

Leppessanni tungke tau iya céccééngngi Sion ricau sibawa ripasoro.

MAZMUR 147:2

Napalisui matu Puwangnge Yérusalém; Napalisui matu sining tau ripalié.

ASSURENG 14:25

Naébbui padati-padati karétana mennang masolang, angkanna sipanrasa-rasani mennang maju. Makkedani tau Maséré'é, “Puwangnge mammusu untu' tau Israélié méwaki. Laono mai talari polé kuwaé!”

YEREMIA 33:9

Mancajiwi matu Yérusalém arennuk-Ku sibawa abangkakek-Ku. Sininna bangsaé ri linoé mancaji métaui matu sibawa masélengngi enrengngé pakalebbi-Ka, narékko naéngkalingai sininna akessingeng iya Upogau'é untu' pabbanuwana Yérusalém, sibawa passalenna adécéngeng iya Uwabbéréyangngé lao ri kotaéro.”

ABBILANGENG 23:23

Dé' gaga pajjappi iya mamosoé lao ri Yakub dé' gaga paddissengeng iya paullé lao ri Israélié. Passalenna iyaro bangsaé makkedai matu tauwé, ‘Itani anu makalallaing iya Naébbué Allataala!’

RIWAYA'NA RASUL-RASUL-E 5:38

Jaji makkekkuwangngé ri laleng kajajiyangngéwé, pangajaku iyanaritu: aja'na mugaukengngi agi-agi sining tauwéwé, leppessangngi siya mennang. Saba' rékko pappagguruwanna sibawa gerakanna mennang poléi ri tolinoé, tentuni iyaro pappagguruwangngé sibawa gerakangngé lennye'i matti.

YOSUA 2:11

Riyéngkalingana iyaro curita-curitaé, métau senna'ni. Sininna tautta teddénni abaraningenna nasaba iko. Puwang Allataalamu tongengngi Allataala Iya Pommakuwasaé ri langié sibawa ri tanaé.

YOSUA 2:9

sibawa makkeda lao ri mennang, “Uwisseng Puwangnge pura mabbéréyangngi wanuwaéwé lao ri iko. Sininna tauwé kuwaé métau lao ri iko.

YOSUA 5:1

Sininna arunna Amori ri seddé yajanna Salo Yordan, sibawa sininna arunna Kanaan ri wiring Tasi Tengngaé naéngkalingani makkedaé purani narakkoi Puwangnge Salo Yordan ri wettu nalléttoinna umma Israélié iyaro saloé. Namétauna mennang sibawa takkini-kini nasaba tau Israélié.