NEHEMIA 6:14 - KITTA KAREBA MADECENG

¹⁴ Massempajakka, “Oh Allataala, éngngerangngi aga iya napogau'é Tobia sibawa Sanbalatro. Hukkungngi mennang! Makkuwatoro nabi iya riyasengngé Noaja sibawa nabi-nabi laing iya maéloé péttaurika.”

NEHEMIA 6:14 ပူးပေါင်းရင်းမြစ်များ

NEHEMIA 13:29

Massempajakka, “Oh Allataalaku, éngngerangngi pékkugi sining tauwéro carépaiwi jabatang imangngé nenniya assijancim-Mu sibawa sining imangngé nenniya sining tau Léwié!”

NEHEMIA 5:19

Uwéllauwi oh Allataala, éngngerangngi sininna iya puraé upogau' untu' bangsaéwé sibawa barakkakika.

MAZMUR 137:7

Oh Puwang, éngngerangngi pangkaukenna tau Edongngé wettunna riyancuru Yérusalém. Makkedai mennang, “Ruttungngi, ruttungngi lettu ri pallangga-pallanggana!”

MAZMUR 22:1

Untu' pamimping kor. Situru lagunna: Jonga ri éléé. Mazmurna Daud.

MAZMUR 63:1

Mazmurna Daud, wettunna engkai ri padang kessi Yéhuda.

ASSURENG 15:20

Nainappa Miryam, séddiwi nabi, kakana Harun, malai rabanana, sibawa sininna makkunraié maccowé tetté'i rabanana naséré-séréto.

YEREMIA 14:15

Makkedai mennang ri laleng asek-Ku makkedaé iyaé wanuwaé dé' nakennai matu musu iyaré'ga akkadéreng, padahal dé' Usuroi mennang powadai iyaro. Iyya, Puwang, paissengiko, Yérémia, aga Upogau' matu sibawa nabi-nabi iya dé'é Usuroiro. Uwunoi matu mennang sibawa musu nenniya akkadéreng.

YEREMIA 14:18

Rékko laoka ri padangngé, uwitai sining uju iya maté ri laleng musué. Ri laleng kotaé uwitai anrasa-rasangngé, sining tauwé céddé'i maté alupureng. Nabi sibawa imangngé napajoppai kewajibanna tennajeppui aga iya napogau'é mennang.”

YEREMIA 28:1

Iyatoro taungngé ri uleng limana taung maeppaé apparéntanna Arung Zédékia, Hananya ana' Azur, séddiwi nabi polé ri kota Gibéon, mabbicara lao ri iyya ri Bolana Puwangnge. Ri yolona imang-ngimangngé sibawa ra'ya'é napowadai lao ri iyya

YEREMIA 28:10

Nainappa nasittai Hananya lémpaé polé ri salangkakku nanapoloi.

YEREMIA 28:15

Iya manennaro upalettu'i lao ri Hananya, nainappa makkedasika, “Engkalingai, éh Hananya! Dé' nasuroko Puwangnge; purani muwébbu iyaé bangsaé mateppe lao ri ada bellé.

MATIUS 24:11

Mompoi matu nabi-nabi palsué, nanabelléi maéga tau.

MATIUS 24:24

Saba' mompoi matu pappassalama'-pappassalama' palsué sibawa nabi-nabi palsué. Napogau'i matu gau'-gau' iya makalallaingngé sibawa mappahérang-hérangngé untu' pabengnguwang, naullé umma'-Na muto Allataala.

MATIUS 7:15

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé.

2 TIMOTIUS 3:8

Pékkugi Yanés sibawa Yambrés méwai Musa riyolo, makkuwatoniro sining tauwéro méwai pappagguruwang polé ri Allataala. Masolanni pikkiranna mennang, sibawa tassangkalanni teppe'na mennang.

1 YOHANES 5:16

Rékko muwitai sala séddinna pada-padammu tau Kristéng pogau' dosa iya dé'é nassabariwi ateddéngeng atuwong tongengngé sibawa mannennungengngé, sitinajako massempajang lao ri Allataala; na Allataala mabbéréyangngi matu iyaro atuwongngé lao ri aléna. Iyaé nakennai mennang iya dosanaé dé' nassabariwi mennang ateddéngeng iyaro atuwongngé. Iyakiya engka dosa iya nassabariyé naateddéngeng tauwé iyaro atuwongngé. Passalenna iyaro gau'é dé' uwakkeda makkedaé harusu'ko massempajang lao ri Allataala.

WAHYU 19:20

Na iyaro olokolo'é ritikkenni silaong nabi palsué iya mébbuéngngi sining anu makalallaingngé ri yolona olokolo'éro. (Nasibawang sining anu makalallaingngéro iyaro olokolo'é bengnguwangngi sining tau iya mappunnaiyé tanrang olokolo'éro, sibawa sining tau iya sompaéngngi dato'-dato'na olokolo'éro.) Nainappa iyaro olokolo'é sibawa nabi palsuéro riyabbéyang tuwo-tuwo ri laleng tasi apié iya malluwa'-luwa'é sibawa balérang.