NEHEMIA 6:13 - KITTA KAREBA MADECENG

¹³ Akkattana mennang iyanaritu kuwammengngi umétau nauwaccowériwi tangngana angkanna pogau' dosa. Nanallalengiwi lolongengngi mennang kasempatang péjariwi asekku angkakku mancaji buwa témunna tauwé.

NEHEMIA 6:13 ပူးပေါင်းရင်းမြစ်များ

NEHEMIA 6:12

Purana utimbat-timbang gau'éro, mainge'na makkedaé angérangenna Sémayaro tenniya polé ri Allataala, sangadinna polé ri Tobia sibawa Sanbalat. Purani mennang nasogo Sémaya untu' palettu'i iyaro botoé lao ri iyya.

NEHEMIA 6:6

iya lise'naé makkuwaé: “Napattongengngi Gésyem engkanna karéba-karéba ri yelle'na bangsa-bangsa ri seddé kuwaé, iya powadaéngngi makkedaé Saudara sibawa sininna tau Yahudié narancanai maronta, na iyanaro saba'na napédécéngiwi Saudara témbo kotaé. Napowada towi makkedaé maéloi Saudara makkai aléna mancaji arunna Yéhuda,

AMSAL 22:1

Aseng makessingngé lebbi mangke'i naiya waramparang iya maégaé; riyamaséi ri tauwé lebbi kessingngi naiya riwéréngngé péra' sibawa ulaweng.

AMSAL 29:5

Niga poji-pojiwi pada-padanna, natangiwi siyo-siyo aléna.

PAKKATOBBA 7:1

Aseng mabaué lebbi kessingngi naiya minnya wangi matanré angke'na; sibawa esso amaténgngé lebbi kessingngi naiya esso ajajiyangngé.

YESAYA 51:7

Engkalinga-Ka, éh bangsa-Ku, muwisseng aga iya tongengngé; pappagguruwak-Ku ritaroi ri laleng atimmu. Aja' mumétau rékko naéllé'ko tolinoé, aja' mumanenneng rékko napakatunako mennang.

YESAYA 57:11

Makkedai Puwangnge, “Niga iyaro déwata-déwataé iya mébbuékko métau, angkammu mabbellé sibawa dé'na muwéngngerak-Ka? Dé'naga musompa-Ka nasaba maitta senna'-Ka mammekko?

YEREMIA 1:17

Sadiya-sadiyano Yérémia! Laono sibawa palettu'ni ri mennang, sininna iya Uwapparéntengngé ri iko. Aja' mumétau ri mennang, kuwammengngi aja' Uwébbuko lebbi métaupasi rékko siyolokko sibawa mennang.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEREMIA 20:10

Paéngkalingai tauwé mabbici-bici kégi-kégi, “Kalallani taué! Laono mai talaporo'i lao ri iya makuwasaé!” Mala sininna sahaba maréppé'ku tajengngi asempékekku. Adanna mennang, “Naullé nasibawang pappalécé, taulléi caui, kuwammengngi taulléi makkabale lao ri aléna.”

YEHEZKIEL 2:6

Iyakiya iko, éh tolino dé'é namannennungeng, aja' mumétau lao risining parronta'éro, iyaré'ga lao ri muwi aga iya napowadaé mennang. Naéwako matu mennang sibawa napakatunako, angkanna samannako tuwo ri yelle'na dokkéngngé. Namuni makkuwaro, aja' mumétau.

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MATIUS 22:15

Nainappa sining tau Farisié sibawani lao barunding passalenna pékkugi mennang wedding palaiwi siyo-siyo Yésus sibawa pakkutana-pakkutanana.

MATIUS 26:59

Makkuragani kapala-kapala imangngé sibawa sininna Mahkama Agamaé sappa asabbiyang bellé-bellé untu' pakennaiwi pahukkungeng maté Yésus.

RIWAYA'NA RASUL-RASUL-E 6:13

Nanapangolo towi mennang sabbi-sabbi iya mabbéré pappakatajang iya dé'é natongeng passalenna Stéfanus. Nakkeda iyaro sining sabbié, “Iyaé tauwé tuli nacella-cellai Bolana Puwangngé iya mapaccingngé sibawa cella-cellai sining paréntana Allataala iya napalettu'é Musa.

2 KORINTUS 11:12

Aga iya upogau'é makkekkuwangngé maéloka pogau'i matteru kuwammengngi “rasul” iya laingngéro dé' nappunnai alasang untu' pojiwi aléna sibawa makkeda makkedaé majjamai mennang pada-pada idi.

1 TIMOTIUS 5:14

Iyanaro saba'na naumaélo kuwammengngi nakawing paimeng janda maloloé mupa, lolongeng ana' sibawa murusu'i ruma tanggana, kuwammengngi dé' nalolongeng kasempatang sining balitta untu' kebbongiwi asetta.

2 TIMOTIUS 1:7

Saba' Roh iya nabbéréyangngé Allataala ri yasé'ta, tenniya Roh iya mébbuékki mancaji pelloreng. Sibalé'na iyaro Rohna Allataala naébbuki mancaji mawatang, penno sibawa pammasé sibawa mulléi tahangngi alé.

TITUS 2:8

Pakéi ada-ada iya makessingngé, iya dé'é nawedding nacella tauwé, kuwammengngi naissengngi balimmu mancaji masirii nasaba dé' gaga gau'-gau' maja iya naullé mennang powada passaletta.

YAKOBUS 4:17

Rimakkuwannanaro, tau iya missengngéngngi aga iya makessingngé iya harusu'é napogau' iyakiya dé' napogau'i, madosai iyaro tauwé.

WAHYU 21:8

Iyakiya tau pellorengngé, tau bali'bellaé, tau maja ampé, tau pabbunoé, pappangaddié, tau iya paké paddissengeng mappalennye'-lennye'é, passompa barahalaé, sibawa sininna pabbelléngngé, ribuwangngi matu ri laleng tasi apié sibawa balérangngé iya malluwa'-luwa'é, iyanaritu amaténg maduwaé.”