NEHEMIA 5:9 - KITTA KAREBA MADECENG

⁹ Nainappa makkeda paimeng, “Iyaro pangkaukemmu dé' namakessing! Sitongenna harusu'ko tuwo sibawa métau ri Allataala. Nanallalengiwi iyaro balitta dé'é nakképuwang dé' muwéréngngi kasempatang untu' pakatunaki.

NEHEMIA 5:9 ပူးပေါင်းရင်းမြစ်များ

KAJAJIYANG 20:11

Nappébali Abraham, “Uwasengngi, kuwaé dé'gaga tau iya métaué ri Allataala, angkanna riyunoka matu ri tau iya macinnaiyéngngi bainéku.

KAJAJIYANG 42:18

Ri esso matellué makkedani Yusuf lao ri mennang, “Iyya tau métauka sibawa mapato lao ri Allataala. Maéloka passalama'ko sibawa séddi sara'.

2 SAMUEL 12:14

Iyakiya nasaba purani Datu napakatuna Puwangnge sibawa pangkaukengngéro, iyaro ana' worowanéna Datu nappa jajiyé matéi matu.”

NEHEMIA 4:4

Naumassempajang, “Oh Allataala, éngkalingai pékkugiki ripakatuna! Pateppai iyaro appakatunangngé ri tompo ulunna muto mennang. Leppessangngi sininna appunnangenna rirampo sibawa aléna paimeng ritiwi selaku tawangeng lao ri wanuwa laingngé.

NEHEMIA 5:10

Iyya paimeng, saudara-saudaraku sibawa sellao-sellaoku pura mappainreng dowi sibawa gandong lao ri ra'ya'é. Dé' tamaélo méllauwi lisu.

NEHEMIA 5:15

Gubernur-gubernur ri yoloku, mancaji répomi lao ri ra'ya'é saba' natuntu'i 40 dowi péra' siesso untu' inanré sibawa anggoro. Mala sining pegawénna tenre towi ra'ya'é. Iyakiya iyya dé' umaélo pogau'i makkuwaéro nasaba métauka lao ri Allataala.

MAZMUR 90:11

Nigana missengngi aseronna cai-Mu, iyaré'ga maingekiwi matu addimonrinna cai-Mu?

AMSAL 16:29

Tau mabecco'é nabengnguwangngi silao-silaonna, sibawa tiwii mennang ri laleng bahayaé.

AMSAL 17:26

Dé' nasipato ripakennai denda tau iya dé'é napasala; dé' nasipato tenre'i tau iya malempu atié.

AMSAL 18:5

Dé' namakessing maccowé ri tau madorakaé sibawa tenre'i tau iya dé'é napasala.

AMSAL 19:2

Apatongngé tennasibawang pangissengeng, dé' namakessing; tau iya mapperi-periyé mébbui matu asalang.

AMSAL 24:23

Sining tau maccaé purai makkeda makkuwaé: Dé' nawedding matane siwali hakingngé.

YEHEZKIEL 36:20

Kégi-kégi mennang lao, tuli nacarépaiwi mennang asek-Ku iya mapaccingngé. Saba' makkeda makkuwaiyé sining tauwé, ‘Iyaé bangsaé iyanaritu umma'na Allataala, iyakiya harusu'i mennang nasalai tana iya nabbéréyangngé Allataala lao ri mennang.’

ANGIMANGENG 25:36

Aja' mutuntu'i bungana polé ri aga iya mupainrengiyéngngi, iyakiya sitinajako métau ri Allataalamu, sibawa leppessangngi iyaro tauwé tuwo ri yelle'mu. Aja'to muwakkésarongiwi polé ri inanré iya mubalu'é lao ri aléna.

RIWAYA'NA RASUL-RASUL-E 9:31

Na jema'é ri sininna Yudéa, Galiléa, sibawa Samaria mancaji tennanni. Nasibawang tau lao ri Puwangngé sibawa ribantu ri Rohna Allataala iyaro jema-jema'é tattamba mawatanni sibawa maéga.

ROMA 2:24

Ri laleng Kitta'é tarokii makkuwaé, “Nasaba iko, sining tau Yahudié, naricarépai asenna Allataala ri yelle'na bangsa-bangsa laingngé.”

1 TIMOTIUS 5:14

Iyanaro saba'na naumaélo kuwammengngi nakawing paimeng janda maloloé mupa, lolongeng ana' sibawa murusu'i ruma tanggana, kuwammengngi dé' nalolongeng kasempatang sining balitta untu' kebbongiwi asetta.

TITUS 2:5

mancaji mapanré, tuwo mapaccing sibawa mancaji ibu ruma tangga iya makessingngé iya tunru'é lao ri lakkainna. Nanallalengiro dé' gaga tau iya mulléngngi cellai biritta polé ri Allataala.

1 PETRUS 2:12

Ampé-ampému ri yelle'na tau iya dé'é naissengngi Puwangngé harusu'i makessing senna', angkanna rékko napétenna'ko selaku tau maja, harusu'i mennang nangakui pangkaukemmu iya makessingngé, angkanna napojiwi matu mennang Allataala ri Esso apolén-Na.

1 SAMUEL 2:24

Aja'na mupogau'i makkuwaéro paimeng, ana'ku. Maja senna aga nacurita umma'na Puwangnge passalemmu!