NEHEMIA 5:17 - KITTA KAREBA MADECENG

¹⁷ Sératu limappulo tau Yahudi sibawa sining tomariyolona mennang iya biyasaé upanré ri bolaku, tenribilang sining topolé polé ri bansa-bangsa sideppéta.

NEHEMIA 5:17 ပူးပေါင်းရင်းမြစ်များ

2 SAMUEL 9:13

Makkuwaniro Méfibosét iya sala-salangngé ri iya duwa ajénaro monroi ri Yérusalém sibawa tuli manré ri saorajaé.

2 SAMUEL 9:7

Nakkutana Daud, “Aja' mumétau. Maéloka masémpo ati lao ri iko nasaba Yonatan ambo'mu. Sininna tanana nénému Saul, maéloka palisungekko sibawa untu' mannennungeng weddikko manré ri saorajaé.”

1 ARUNG-NGARUNG 18:19

Makkekkuwangngé paréntangngi sininna ra'ya Israélié untu' méwaka sita ri Bulu Karmél. Tiwi towi iya eppa datu limappulo nabinna Baal sibawa iya eppa datu nabinna Déwi Asyéraro iya nabalancaiyé permaisuri Izébél.

1 ARUNG-NGARUNG 5:3

“Arung Hiram Iya Malebbié! Tentu naisseng Puwang makkedaé ambo'ku Daud tuli tarapassai mammusu nasaba rigasai ri balié polé ri wanuwa-wanuwa ri seddéta. Sibawa nasaba dé'pa nabbéré Puwangnge apakalang lao ri aléna polé ri sininna balinna, dé'na narapii patettong bola untu' onrong massompa lao ri Puwang Allataalana.

NEHEMIA 5:16

Uwabbéréyangngi sininna pakkullékku lao ri appatettongenna témbo'é sibawa dé' ulolongeng tana muwi céddé selaku saro, namuni maccowé maneng sininna pabbantukku majjama ri appatettongengngéro.

YESAYA 32:8

Iyakiya tau iya malempué akkalenna narancanai gau'-gau' iya malempué nenniya tinda'i sibawa malemputo.

ROMA 12:13

Tulungngi paggenne'i apparelluwanna sining tau Kristéng laingngé enrengngé tarimai Saudara-saudara siatepperengngé iya dé'é muwissengngi, sibawa ati masennang ri lalempolamu.