NEHEMIA 5:12 - KITTA KAREBA MADECENG

¹² Nappébali iyaro sining pamimpingngé, “Maéloki turusiwi iyaro pangajaé. Maéloki palisu manengngi sibawa dé' tamaélo tuntu pakkamaja polé ri mennang.” Nauwobbini sining imangngé sibawa suroi sining pamimpingngé onna mattanro ri yolona imang-ngimangngéro, makkedaé aga iya puraé napowadaro, tonget-tongengngi napogau'i matu mennang.

NEHEMIA 5:12 ပူးပေါင်းရင်းမြစ်များ

EZRA 10:12

Mappébalini sining tauwéro sibawa macenno, “Maéloki maccowériwi pangajamu.”

EZRA 10:5

Nappammulana Ezra tinda. Nasuroni imang-ngimang kapalaé, sining tau Léwié sibawa sining tau Israél laingngé mattanro makkedaé maéloi mennang pogau'i tangngana Sékhanyaro.

NEHEMIA 10:29

Yaggabungeng manengngi aléta silaong sining pamimpitta sibawa mattanro untu' tuwo situru hukkunna Allataala iya puraé Nabbéréyang naolai Musa, atan-Na. Tennapodo natanroiki Allataala rékko dé' tarupaiwi iyaé assijancingngéwé. Mattanroki maélo mapatoiwi sininna paréntaé, hukkungngé sibawa peraturanna Puwangnge, Allataalata.

NEHEMIA 10:30

Mattanroki untu' dé' takawing sicampuru sibawa bangsa-bangsa laing iya monroé ri wanuwatta.

NEHEMIA 10:31

Rékko engka bangsa laing maélo mabbalu gandong iyaré'ga muwi barang aga lao ri idi ri esso Saba'é iyaré'ga ri esso mapaccing laingngé, dé' tamaélo melliwi. Ri tungke' taung mapitué, dé' tamaélo jamai dare'é sibawa massinge inreng.

NEHEMIA 13:25

Uwamparengngi sibawa utanroi mennang. Engka ubarasa sibawa upute gemme'na. Nainappa usuro mennang mattanro ri laleng asenna Allataala makkedaé mennang sibawa ana'-ana'na dé'na namaélo kawing sicampuru'na.

NEHEMIA 5:11

Sitinaja tokko leddai sining inrenna ra'ya'éro ri iko, muwi iya maddupa dowié iyaré'ga gandong, muwi anggoro iyaré'ga minnya zaitun. Palisuni masitta dare'na, palla anggoro'na, palla zaitunna sibawa bolana mennang!”

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

LUKAS 19:8

Natettonna Zakhéus ri bolana makkeda lao ri Yésus, “Puwang, sitengngana waramparakku maélo uwassidekkang lao ri tau kasiyasié; sibawa nigi-nigi pura ubellé', maéloka mpajai paimeng leppe' wékkaeppa!”