NEHEMIA 4:7 - KITTA KAREBA MADECENG

⁷ Wettunna Sanbalat, Tobia sibawa sining tau polé ri Amon sibawa Asdod enrengngé sining tau Arab-é méngkalingai makkedaé appédécéngenna témbo Yérusalémro pédé majui sibawa sining sebbo'na témbo'é mammulani rilape', macai senna'ni mennang.

NEHEMIA 4:7 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

2 ARUNG-NGARUNG 24:2

Nakiringngi Puwangnge garembolang-garembolang massenjataé polé ri bangsa Babél-é, Siriaé, Moab-é sibawa Amongngé untu' méwai Yoyakim sibawa paccappui Yéhuda, situru sibawa aga iya puraé Napowada naolai sining nabié, ata-atan-Na.

2 TAWARIKH 20:1

Siyagangngaré wettu ri munrinna tentara Moab sibawa Amon, silaong sibawa siyempe'na Méunim, gasai Yéhuda.

EZRA 5:8

Memmuwaré napahangngi Datu, makkedaé poléni ri propinsi Yéhuda sibawa mitai makkedaé Bolana Puwangnge, Allataala Iya Battowaé, mattengngangngi ripatettong paimeng sibawa batu-batu loppo sibawa témbo-témbo iya rilapiriyé aju. Iyaro jama-jamangngé napogau'i sibawa matutu senna enrengngé joppana sibawa masitta.

NEHEMIA 2:10

Iyakiya wettunna Sanbalat, tau Bét-Horon, sibawa Tobia, séddiwi pajaba polé ri Amon, naéngkalinga makkedaé poléka untu' apentingenna bangsa Israélié, massessekalé senna'ni mennang.

NEHEMIA 2:19

Wettunna iyaro rancanata naisseng Sanbalat, Tobia sibawa Gésyem, séddiwi tau Arab, nacawa-cawaini sibawa méllé-kéllé'ki. Makkedai mennang, “Aga maélo mupogau'? Maélokoga maronta lao ri arungngé?”

NEHEMIA 4:1

Wettunna naéngkalinga Sanbalat makkedaé idi tau Yahudié mattengngangngi pédécéngiwi témbo'na kotaé, macai senna'ni sibawa mappammulani méllé-kéllé'ki.

NEHEMIA 4:6

Na iyaro wettué matteruki pédécéngiwi iyaro témbo'é, na dé' namaitta puranaro tépuni sininna témbo'éro ripédécéngi gangka sitengnga tanré, saba' majjamai ra'ya'é sibawa penno sumange.

NEHEMIA 4:8

Masséddini mennang maélo gasai Yérusalém untu' paompo akacaungeng.

NEHEMIA 6:16

Wettunna naéngkalinga sining balitta ri yelle'na bangsa-bangsaé ri seddétaro, métauni mennang sibawa masiri, saba' naisseng maneng tauwé makkedaé iyaro jama-jamangngé ripogau'i sibawa pattulunna Allataala.

YEREMIA 41:10

Nainappa natikkeng Ismaél sining ana' makkunrainna arungngé sibawa sininna tau iya engkaé mupa ri Mizpa iya puraé nabbéréyang Nébuzaradan lao ri anganrowangenna Gedalya. Ritawanni mennang ri Ismaél nainappa joppa silaong mennang mattuju ri daérana Amon.

AMOS 1:13

Makkedai Puwangnge, “Makkolik-kolinni madosa bangsa Amongngé, rimakkuwannanaro pasti Uhukkungngi matu mennang. Wettunna mammusu untu' lowangiwi daérana, napuwé'i mennang babuwana sining makkunrai mattampu'é ri Giléad.

AMOS 1:8

Upaddésu'i matu pabbanuwana sibawa panguwasana kota Asdod enrengngé Askélon. Uhukkungngi matu kota Ekron, sibawa sininna sésana tau Filistingngé Upaccappui matu.”

AMOS 3:9

Appallebbangengngi iyaé lao risining tau iya monroé ri saorajana Maséré sibawa Asdod, “Addeppungenno risining bulué seddéna Samaria, sibawa pénessaini akacaungeng battowaé enrengngé appanrasa-rasang iya napogau'é kuwaro.”

RIWAYA'NA RASUL-RASUL-E 5:33

Wettunna naéngkalinga iyaro sining anggotana Mahkama Agamaéro, macai senna'ni mennang, angkanna siyempe'ni mennang untu' mpunoi iyaro rasul-rasul-é.

WAHYU 12:17

Namacai senna'na iyaro nagaé lao ri makkunraiéro, angkanna lao gasai wijanna lainna iyaro makkunraié, iyanaritu sininna tau iya turusiyéngngi sining paréntana Allataala, enrengngé iya mabbéré asabbiyang passalenna Yésus sibawa akuwasan-Na.

1 SAMUEL 11:2

Nappébali Nahas, “Nasibawang sara'éwé bawang maéloka mébbu assijancing, ‘Ucukkéi matu mata ataummu tungke'-tungke' selaku pappakatuna lao ri sininna Israélié!’ ”