NEHEMIA 4:4 - KITTA KAREBA MADECENG

⁴ Naumassempajang, “Oh Allataala, éngkalingai pékkugiki ripakatuna! Pateppai iyaro appakatunangngé ri tompo ulunna muto mennang. Leppessangngi sininna appunnangenna rirampo sibawa aléna paimeng ritiwi selaku tawangeng lao ri wanuwa laingngé.

NEHEMIA 4:4 ပူးပေါင်းရင်းမြစ်များ

NEHEMIA 5:9

Nainappa makkeda paimeng, “Iyaro pangkaukemmu dé' namakessing! Sitongenna harusu'ko tuwo sibawa métau ri Allataala. Nanallalengiwi iyaro balitta dé'é nakképuwang dé' muwéréngngi kasempatang untu' pakatunaki.

MAZMUR 79:12

Oh Puwang, wale'i bangsa-bangsaéro leppi wékkapitu nasaba sininna pappakatunana mennang lao ri Iko.

AMSAL 3:34

Nacéccé Puwangnge tau iya matanré atié, iyakiya nabarakkakiwi tau iya mariyawa atié.

AWATINGENG 1:22

Pénessaiwi sininna jana mennanro, sibawa gaukenni mennang pada-pada Mugaukengngékka, nasaba sininna dosa iya upogau'é lao ri Iko. Maddarékéka ri laleng anrasa-rasangngé, messéi atikku sibawa makkanrodongngi.”

HOSEA 12:14

Suroni Puwangnge séddi nabi untu' tiwii tau Israélié massu polé ri angatangengngé ri Maséré, sibawa untu' jagaiwi mennang.

1 SAMUEL 17:26

Namakkeda Daud, “Barani tongeng tau Filisting kapéré'éro méwai tentarana Allataala iya tuwoé!” Nainappa makkutana ri sala séddié prajuri, “Aga riwéréngngi matu tau iya weddingngé mpunoi tau Filistingngéro sibawa leddai appakatunangngé polé ri Israélié?”