NEHEMIA 4:23 - KITTA KAREBA MADECENG

²³ Aléku paimeng, sellao-sellaoku, ana' buwaku sibawa sining pengawalku tuli mappaké pajjamai, muwi esso iyaré'ga wenni. Matteru-teruki ri laleng keadaang sadiya, sibawa senjata ri limaé.

NEHEMIA 4:23 ပူးပေါင်းရင်းမြစ်များ

NEHEMIA 4:22

Ri lalenna wettuéro sininna pajjamaé sibawa pabbantunna mennang, usuroi mabbenni ri Yérusalém. Narimakkuwannanaro ri wennié weddikki jagaiwi kotaé na essona patettongngi témbo'na.

NEHEMIA 5:1

Siyagangngaré wettu ri munrinna maéga tau Yahudi, muwi worowané iyaré'ga makkunrai, mappammulani maddaréké passalenna sining tau sibangsana.

NEHEMIA 5:16

Uwabbéréyangngi sininna pakkullékku lao ri appatettongenna témbo'é sibawa dé' ulolongeng tana muwi céddé selaku saro, namuni maccowé maneng sininna pabbantukku majjama ri appatettongengngéro.

NEHEMIA 7:2

Apparéntanna kota Yérusalém uwabbéréyangngi lao ri silessurekku Hanani sibawa lao ri Hananya, pallimana bénténgngé, nasaba lebbiwi naiya tau laingngé, métaui lao ri Allataala sibawa weddingngi riyatepperi.

YOEL 2:8

Dé' mennang nasiredde-redde, joppai mennang ri lalenna muto. Ramé-raméi mennang leppoi sininna attahangengngé, dé' naulléi patangngi barisi'na mennang.

1 KORINTUS 15:10

Iyakiya nasaba pammaséna Allataala, mancajika pada-pada keadaakku makkekkuwangngé. Nadé' naparacuma Allataala maddampengekka. Mala iyya ritu iya majjamaé lebbi marejjing naiya sininna rasul laingngé. Iyakiya iyaro sitongenna tenniya usahaku; iyaro usahana Allataala iya mamaséiyékka sibawa iya majjamaé sibawakka.

HAKING-HAKING 5:11

Ri seddéna sining bujungngé riyéngkalingai tauwé makkélong marowa, curitai apakalanna Puwangnge makkolik-koling, apakalanna Israélié, umma'na Puwangnge. Nabbarisi'na mennang mattuju ri gerbanna kotaé.

HAKING-HAKING 9:48

Rimakkuwannanaro Abimélékh sibawa sining taunna laoni ri Bulu Zalmon. Kuwaniro toto takké-takké aju sibawa wasé, nainappa naéssang iyaro takké-takké ajué ri salangkana, nainappa nasuroto sining taunna mapperi-peri pogau'i pada-pada iya puraé napogau'.