NEHEMIA 4:21 - KITTA KAREBA MADECENG

²¹ Mappakkuwaniro majjamaki mappammulai subu narapi paita wéttowingngé ri langié. Sitengngana ra'ya'é pédécéngiwi témbo'é, na laingngé jaga-jagai sibawa bessi ri limanna.

NEHEMIA 4:21 ပူးပေါင်းရင်းမြစ်များ

NEHEMIA 4:20

Jaji, rékko méngkalingako oni tarompé, addeppungekko masitta ri mattulilitta kuwaé. Allataalata mammusurekki matu.”

NEHEMIA 4:22

Ri lalenna wettuéro sininna pajjamaé sibawa pabbantunna mennang, usuroi mabbenni ri Yérusalém. Narimakkuwannanaro ri wennié weddikki jagaiwi kotaé na essona patettongngi témbo'na.

1 KORINTUS 15:10

Iyakiya nasaba pammaséna Allataala, mancajika pada-pada keadaakku makkekkuwangngé. Nadé' naparacuma Allataala maddampengekka. Mala iyya ritu iya majjamaé lebbi marejjing naiya sininna rasul laingngé. Iyakiya iyaro sitongenna tenniya usahaku; iyaro usahana Allataala iya mamaséiyékka sibawa iya majjamaé sibawakka.

1 KORINTUS 15:58

Rimakkuwannanaro, Saudara-saudara iya uwamaséiyé, sitinajako mawatang sibawa makkamasé. Ajjamani' matteru untu' Puwangngé sibawa mattonget-tongeng, saba' muwissenni makkedaé sininna iya mupogau'é untu' Puwangngé, dé' nasiya-siya matu.

GALATIA 6:9

Rimakkuwannanaro, aja' tacau pogau'i gau'-gau' iya makessingngé; saba' rékko dé' tappésau pogau'i gau'-gau'éro séuwa wettu riduppai matu wassélé'na.

KOLOSE 1:29

Untu' lettu ri gau'éro majjama laddé'ka. Uwakkulléyangngi sibawa sininna awatangekku iya nabbéréyangngé Kristus lao ri iyya iya majjamaé ri laleng aléku sibawa penno akuwasang.