NEHEMIA 4:2 - KITTA KAREBA MADECENG

² Ri yolona sellao-sellaona sibawa tentarana Samaria, makkedani, “Aga mattengngang najama tau Yahudi cilaka iya dé'é naulléi aga-agaro? Aga maéloi mennang patettongngi paimeng kotaéwé? Nasengngi mennang iyaro jama-jamangngé weddingngi tépu ri laleng siessoé, banna makkasuwiyangeng akkarobangeng? Aga goppo warowo iya manguénnaro weddingngi mennang napancaji batu-batu témbo?”

NEHEMIA 4:2 ပူးပေါင်းရင်းမြစ်များ

EZRA 4:4

Nainappa pabbanuwa iya maittaénna monro ri wanuwaéro mappammulani palemmai sumange'na tau Yahudié enrengngé péttauriwi mennang kuwammengngi napappésauwi iyaro appatettongengngé.

NEHEMIA 12:27

Wettunna rirésmikang témbo'na kota Yérusalém, riyobbini sininna tau Léwié polé risininna onrong naonroiyé mennang, kuwammengngi naccowé ramé-raméiwi kajajiyangngéro sibawa élok-kélong sukkuru, sibawa nasibawang musi' gambusu sibawa kacapi.

NEHEMIA 12:43

Iyaro essoé maéga akkarobangeng riyakkasuwiyangeng lao ri Puwangnge. Mariyo-riyoni ra'ya'é nasaba Allataala pura mébbui mennang masennang. Sining makkunraié sibawa ana'-ana'é maccowé towi mappésta, na saddanna mennang iya marennué riyéngkalingai lettu mabéla.

NEHEMIA 4:10

Iyakiya tau Yéhudaé mammulani puwélongngi élong darékéwé: “Cappuni awatangetta untu' mattiwi, na maéga senna mupa warowo mallappo. Pappénedditta dé' naulléi mappallaung makkuwaé patettongngi témbo kotaéwé.”

NEHEMIA 6:15

Appédécéngenna témbo'éro manréi wettu 52 esso, natépuni ri tanggala duwappulo lima uleng Elul.

MAZMUR 83:4

Mébbui mennang rancana maja untu' méwai umma'-Mu; sibawa barunding méwai sining tau iya Mulinrungiyé.

YEREMIA 26:18

“Wettunna Hizkia mancaji arunna Yéhuda, Nabi Mikha polé ri Morésyét palettu'i ri ra'ya'é ada-adaéwé polé ri Puwang Iya Pommakuwasaé, ‘Rirakkalai matu Sion pada-pada dare'é, mancajiwi matu Yérusalém goppo ruttungeng, sibawa mancaji ale'i matu Bulu-bulu Bolana Puwangnge.’

YEREMIA 33:24

“Puraniga mupénessai aga iya napowadaé tauwé lao ri Israélié sibawa Yéhuda? Makkedai mennang makkedaé purani Uwabbéyang iya duwa bangsa iya puraé Upiléro. Iyanaro saba'na naita mariyawai umma'-Ku, sibawa dé'na naangga'i mennang selaku séddi bangsa.

DANIEL 9:25

Cata'i sibawa pahangiwi iyaé: Wékkapitu pituttaung labe'é matu, mappammulai wettu ripassuna paréntaé untu' patettongngi paimeng Yérusalém, narapi poléna séddi tau pamimping napilé Allataala. Ri lalenna wékkapitu enneppulona duwa taung sining lalenna sibawa sining bénténna Yérusalém ripatettongngi matu paimeng, iyakiya iyaro wettué pennoi asukkarakeng.

HABAKUK 3:2

Oh Puwang, uwéngkalingai passalenna pangkaukem-Mu, na pappénedding amaccangngé pennoiwi atikku. Tennapodo pangkaukeng battowaéro Mupakkolingngi sibawa Mupannessai ri wettuttaé. Sitinajanna Muwamaséiki namuni mapellai atim-Mu.

ZAKHARIA 12:8

Iyaro essoé Ulinrungiwi matu pabbanuwana Yérusalém; sibawa muwi iya kaminang malemmaé ri yelle'na mennang mancajiwi matu pada watanna Daud. Ripimpingngi matu mennang ri wijanna Daud pada-pada malaéka'-Ku, mala pada-pada-Ka.

1 KORINTUS 1:27

Saba' mémeng nattungka Allataala piléi iya nangga madonggoé linoéwé, kuwammengngi nasining tau maccaé namasiri. Sibawa Allataala pilé towi iya nangga malemmaé linoéwé, kuwammengngi nasining tau iya baranié naporé nancaji masiri.