NEHEMIA 4:17 - KITTA KAREBA MADECENG

¹⁷ iya mattengngangngé pédécéngiwi témbo'éro. Sining pangéssang bahang bangunangngé napogau'ni jama-jamangngéro sibawa séddi lima, na lima iya laingngé makkatenning senjata.

NEHEMIA 4:17 ပူးပေါင်းရင်းမြစ်များ

NEHEMIA 4:13

Rimakkuwannanaro ubagé-bagéngenni ra'ya'é peddang, bessi sibawa pana, nainappa utaro mennang situru appanna tungke'-tungke' ri munrinna témbo'é, ri onrong-ngonrong iya dé'éppa napura ripédécéngi.

NEHEMIA 4:16

Iyakiya mappammulai essoéro banna sitengnga polé ri ana' buwaku iya mappallaungngé, na iya sitengngaéssi jaga-jagai sibawa mappaké waju musu sibawa massenjata bessi, kaliyawo sibawa pana. Sining pamimping ra'ya'é mpéréngngi sokongang iya sukkué lao ri ra'ya'

NEHEMIA 4:18

Sining tukang batué majjamai sibawa peddang tattappi ri benréngngé. Passeppung tarompé tanrang bahayaé, matterui engka ri seddéku.

MAZMUR 149:6

Leppessanni mennang pojiwi Allataala sibawa sadda maloppo, nanakkatenning towi peddang pura asaé,

ELONG MARAJA 3:8

iya mappangalamangngé ri laleng musué. Tiwi manengngi mennang peddang ri benrénna sadiya moloiwi paggasaé ri wennié.

DANIEL 9:25

Cata'i sibawa pahangiwi iyaé: Wékkapitu pituttaung labe'é matu, mappammulai wettu ripassuna paréntaé untu' patettongngi paimeng Yérusalém, narapi poléna séddi tau pamimping napilé Allataala. Ri lalenna wékkapitu enneppulona duwa taung sining lalenna sibawa sining bénténna Yérusalém ripatettongngi matu paimeng, iyakiya iyaro wettué pennoi asukkarakeng.

YOEL 2:8

Dé' mennang nasiredde-redde, joppai mennang ri lalenna muto. Ramé-raméi mennang leppoi sininna attahangengngé, dé' naulléi patangngi barisi'na mennang.

1 KORINTUS 16:13

Sitinajako matike' sibawa masse ri laleng atuwommu selaku tau Kristéng. Tinda'no sibawa barani enrengngé ancajino mawatang.

1 KORINTUS 16:9

Maéga wettukku kuwaé untu' jama-jamang iya makkégunaé, namuni maégato tau méwai.

1 KORINTUS 9:12

Rékko sining tau laingngé mappunnai ha' mamménasaiwi iyaé polé ri iko, dé'ga talebbi mappunnai ha' naiya mennang? Iyakiya iyya dé' uwakkégunangngi iyaro ha'é. Sibalé'na lebbi upojiwi tanggungngi sining-sininnaé naiya paompoé séddi gau' iya halangiyéngngi appallebbangenna Karéba Madécéngngé passalenna Kristus.

2 KORINTUS 6:7

enrengngé ri laleng mabbirittangngi karéba iya polé ri Allataala kuwaéttopa nasibawang akuwasanna Allataala, riyappaitangngi makkedaé idi'é iyanaritu ata-atanna Allataala. Makkatennikki ri élona Allataala selaku senjatata untu' méwa iyaré'ga méwaiwi alé.

FILIPI 1:28

Sitinajako tuli barani; aja' mumétau lao risining balimmu. Nanallalengiro muwappaitangngi makkedaé caui matu mennang, na iko pacau matu, nasaba aléna Allataala ritu iya mabbéré apakalang lao ri iko.

2 TIMOTIUS 2:3

Harusu'ko maccowé manrasa-rasa selaku parajuri'na Kristus Yésus iya matinulué.

2 TIMOTIUS 4:7

Purani uwaccowéri akkalaringngé sibawa makessing, enrengngé lettu'na ri garisi paccappurengngé. Tette'ka matinulu lao ri Kristus lettu paccappurenna.