NEHEMIA 4:15 - KITTA KAREBA MADECENG

¹⁵ Naéngkalingani sining balitta makkedaé rancanana mennang riisenni. Namainge'na mennang makkedaé Allataala rusa'i rancanana mennanro. Nainappaki lisu maneng majjama pédécéngiwi iyaro témbo'é.

NEHEMIA 4:15 ပူးပေါင်းရင်းမြစ်များ

2 SAMUEL 15:31

Wettunna ripaissengngi lao ri Daud makkedaé maccowé towi Ahitofel silaong assikongkolokenna Absalom, massempajanni Daud makkuwaé, “Oh Puwang, tennapodo aja' muleppessangngi ritarima pangajana Ahitofel!”

2 SAMUEL 17:14

Naéngkalinganaro makkedani Abasalom sibawa sininna tau Israélié, “Lebbi kessing muwi pangajana Husai naiya pangajana Ahitofel.” Mémeng, Puwangnge pura pattentui untu' pasisalai pangajana Ahitofel iya makessingngéro, kuwammengngi nakennai Absalom abala.

NEHEMIA 4:16

Iyakiya mappammulai essoéro banna sitengnga polé ri ana' buwaku iya mappallaungngé, na iya sitengngaéssi jaga-jagai sibawa mappaké waju musu sibawa massenjata bessi, kaliyawo sibawa pana. Sining pamimping ra'ya'é mpéréngngi sokongang iya sukkué lao ri ra'ya'

AMSAL 21:30

Dé'gaga amaccang iyaré'ga apanréng iya mullééngngi tahang ri yolona Puwangnge.

YESAYA 44:25

Iyya ritu rusa'i botona tukang pabotoé, sibawa macculé-culéiwi tukang pappalakiyaé. Ubantai ada-adanna tau mapanré, apanrénna mennang Upancajiwi adonggong.

YESAYA 8:10

Ebbuno rancana, iyakiya iya manenna dé'gaga kajajiyang matu. Alano apettung, iyakiya dé'gaga akkégunana, saba' Allataala sibawakki.

MARKUS 13:34

Keadaanna sinrupai séddié tau iya salaiyéngngi bolana nalao ri onrong mabélaé. Nasuroi sining pattumaninna murusu'i bolana, sibawa nawérénna tungke'-tungke' jamang. Lao ri panganrowang tange'é, mappasengngi kuwammengngi najaga madécéd-décéng.

ROMA 12:11

Ajjamano sibawa mapato. Aja' mumakuttu. Ajjamano untu' Puwangngé sibawa sumange' polé ri Rohna Allataala.

1 TESALONIKA 4:11

Akkuragako tuwo sibawa tennang sibawa aja' mucampuru'i persoalanna tau laingngé. Sitinajako majjama sappai dallé', pada-pada riyolo pura riparéntangngékko riyolo.