NEHEMIA 4:1 - KITTA KAREBA MADECENG

¹ Wettunna naéngkalinga Sanbalat makkedaé idi tau Yahudié mattengngangngi pédécéngiwi témbo'na kotaé, macai senna'ni sibawa mappammulani méllé-kéllé'ki.

NEHEMIA 4:1 ပူးပေါင်းရင်းမြစ်များ

NEHEMIA 13:28

Yoyada iyanaritu ana'na Imang Lompo Elyasib, iyakiya séddi polé ri ana'na Yoyada mancaji ménéttunna Sanbalat polé ri kota Bét-Horon. Rimakkuwannanaro urukkai Yoyada polé ri Yérusalém.

NEHEMIA 2:10

Iyakiya wettunna Sanbalat, tau Bét-Horon, sibawa Tobia, séddiwi pajaba polé ri Amon, naéngkalinga makkedaé poléka untu' apentingenna bangsa Israélié, massessekalé senna'ni mennang.

NEHEMIA 2:19

Wettunna iyaro rancanata naisseng Sanbalat, Tobia sibawa Gésyem, séddiwi tau Arab, nacawa-cawaini sibawa méllé-kéllé'ki. Makkedai mennang, “Aga maélo mupogau'? Maélokoga maronta lao ri arungngé?”

NEHEMIA 6:15

Appédécéngenna témbo'éro manréi wettu 52 esso, natépuni ri tanggala duwappulo lima uleng Elul.

NEHEMIA 6:16

Wettunna naéngkalinga sining balitta ri yelle'na bangsa-bangsaé ri seddétaro, métauni mennang sibawa masiri, saba' naisseng maneng tauwé makkedaé iyaro jama-jamangngé ripogau'i sibawa pattulunna Allataala.

YEREMIA 38:19

Nappébali arungngé, “Métauka lao risining tau sibangsata iya lariyénna lao ri tau Babél-é. Ajakké nabbéréyakka matu lao ri mennang sibawa risissa.”

MATIUS 2:16

Wettunna naisseng Hérodés makkedaé ribelléi ri ahli wéttowing polé alauéro, macai senna'ni. Nainappa napparéntang untu' mpuno manengngi ana' worowané ri Bétléhém sibawa ri seddéna iya makkéumuru duwattaungngé liyawa. Sicoco'i iyaro sibawa pappakatajang iya nalolongengngé polé risining ahli wéttowingngéro, passalenna wettunna paita iyaro wéttowingngé.

MATIUS 27:29

Mébbuni mennang séuwa passigera' polé ri takké-takké maddorié, nanapasangngi ri ulunna Yésus. Nainappa napatéténgi jari ataun-Na séuwa tekkeng, nainappa makkaluttu ri yolo-Na sibawa méllékéllé'i. Adanna mennang, “Oh Puwakku, Arunna Tau Yahudié!”

RIWAYA'NA RASUL-RASUL-E 5:17

Angkanna imang lompoé sibawa ana'-ana' gurunna, iyanaritu golongang tau Sadukié, mammulani tinda', nasaba mangémpurui mennang.

IBRANI 11:36

Engka iya riyéllékéllé'é, ricambu', risiyo sibawa ranté enrengngé riputtama ri laleng tarungkué.