NEHEMIA 3:27 - KITTA KAREBA MADECENG

^27-32 Siyagangngaré bagiyang témbo mangoloéwé napédécéngiwi sining tauwéwé ri laleng atturu-turuseng mangoloéwé: Wargana kota Tékoa: témbo polé ri yolona manara anganrowangenna Bolana Puwangnge lettu ri témbo'na daéra Ofel. Imang-ngimang iya monroé ri seddéna Pintu Gerbang Anyarangngé: témbo iya siyolongngé sibawa bolana tungke'-tungke' polé ri gerbangngéro matteru limanorang. Zadok ana' Imer: témbo iya siyolongngé sibawa bolana. Sémaya ana' Sékhanya, panganrowanna pintu Gerbang Alau: témbo iya siyolongngé sibawa bolana. Hananya ana' Sélémya sibawa Hanun ana' Zalaf iya maennengngé. Mésulam ana' Bérékhya: témbo iya siyolongngé sibawa bolana. Malkia, séddiwi panré ulaweng: témbo lettu'é ri asramana sining pajjamana Bolana Puwangnge sibawa sining bolana padangkangngé ri yolona Pintu Gerbang Mifkad sibawa lettu ri seddéna bili' yasé'é ri sunna témbo'é tibang alau manorang. Sining panré ulawengngé sibawa padangkangngé: bagiyang témbo paccappurengngé, mappammulai bili' ri yasé'é ri sunna témbo'é lettu ri Pintu Gerbang Bimbala'é.

NEHEMIA 3:27 ပူးပေါင်းရင်းမြစ်များ

1 ARUNG-NGARUNG 7:34

Engka eppa alliri pattahang ri tungke' sung bagiyang yawana karétaéro. Iyaro alliri-allirié sinrupai séddi bagiyang sibawa karétana.