NEHEMIA 3:22 - KITTA KAREBA MADECENG

^22-26 Siyagangngaré bagiyang témbo mangoloéwé napédécéngiwi sining imangngé ri laleng atturu-turusengngéwé: Sining imang iya monroé dé' namabéla polé ri Yérusalém. Bényamin sibawa Hasub: témbo ri yolo bolana mennang. Azarya ana' Maaséya ana' Ananya: témbo ri seddé bolana. Binui ana' Hénadad: témbo polé ri bolana Azariah lettu ri seddé sunna témbo'é. Palal ana' Uzai: témbo polé ri sunna témbo'é sibawa manarana saorajaé bagiyang yasé, ri seddéna bola jagangngé. Pédaya ana' Paros: témbo'é lettu ri yolona Pintu Gerbang Uwaié ri seddé alau sibawa manara jagang Bolana Puwangnge. (Dé' namabéla polé kuwaro engka daéra iya riyasengngé Ofel, onrong naonroiyé sining pajjamana Bolana Puwangnge.)

NEHEMIA 3:22 ပူးပေါင်းရင်းမြစ်များ

NEHEMIA 12:28

Namaddeppungenna sining pakkélongngé polé risining kaluwarga-kaluwarga Léwiéro, muwi polé ri daéra onrong naonroiyé ri seddéna Yérusalém, iyaé'ga polé ri kota-kota ri seddéna Nétofa,

NEHEMIA 6:2

Nakiring undangang Sanbalat sibawa Gésyem lao ri iyya kuwammengngi upolé méwai sita mennang ri sala séddinna désaé ri Lompo Ono. Iyakiya uwissengngi makkedaé maéloi cilakaika.