NEHEMIA 3:2 - KITTA KAREBA MADECENG

^2-16 Ri lainnaé sining imangngéro, iyaé sining tauwé pédécéngiwi témbo kotaé silaong pintu-pintu gerbanna sibawa manara-manarana ri laleng atturu-turusengngé: Sining tau Yérikhoé. Zakur ana' Imri Appang Sénaa: Pintu Gerbang Balé sibawa balo'-balo', sining tange'na, mor-morna sibawa paccala-cala'na. Mérémot ana' Uria sibawa eppona Hakos. Mésulam ana' Bérékhya sibawa eppona Mésézabeel. Zadok ana' Baana Warga kotana Tékoa (sining tomariyolona kotaéro dé' namaélo pogau'i jama-jamang makassara'é). Yoyada ana' Paséah sibawa Mésulam ana' Bésoja: Pintu Gerbang Yésyana sibawa balo'-balo', sining tange'na, mor-morna sibawa sining paccala'na. Mélaca polé ri Gibéon sibawa Yadon polé ri Méronot. Sining tau Gibéongngé sibawa sining tau Mizpaé: témbo'é lettu ri saorajana gubernurna Efrat Yajang. Uziél, séddiwi panré ulaweng, ana'na Harhaya. Hananya, séddiwi pakkébbu minnya wangi: lettu ri Témbo Sakkaé. Réfaya ana' Hur, panguwasana sitengngana daéra Yérusalém. Yédaya ana' Harumaf: témbo iya sicawéngngé sibawa bolana muto. Hatus ana' Hasabnéya Malkia ana' Harim sibawa Hasub ana' Pahat-Moab: témbo rappina enrengngé Manara Apié. Salum ana' Halohes, panguwasana sitengngana daéra Yérusalém, ribantui ri ana'-ana' makkunrainna. Hanun sibawa pabbanuwana Zanoah: Pintu Gerbang Lompo'é silaong sining tange'na, mor-morna sibawa sining paccala'na. Makkuwatoro témbo sillampé 440 météré lettu ri Pintu Gerbang Warowoé. Malkia ana' Rékhab, panguwasana daérana Bét-Kérém: Pintu Gerbang Warowoé sibawa sining tange'na, mor-morna sibawa sining paccala'na. Salum ana' Kolhoze, panguwasana daéra Mizpa: Pintu Gerbang Mata Uwaié silaong pabbingenna, sining tange'na, mor-morna sibawa sining paccala'na. Makkuwatoro témbo'na Kullang Sélah ri seddéna tammenna saorajaé lettu ri addénéng-addénéng iya nonnoé polé ri Kota Daud. Néhémia ana' Azbuk, panguwasana sitengngana daéra Bét-Zur: témbo'é lettu ri tampung kaluwargana Daud, kullang riyébbué sibawa tangsié.

NEHEMIA 3:2 ပူးပေါင်းရင်းမြစ်များ