NEHEMIA 2:8 - KITTA KAREBA MADECENG

⁸ Ri lainnaéro, méllau tokka sure' untu' Asaf, panganrowanna ale akkarungengngé, kuwammengngi napassadiya aju untu' pintu gerbanna bénténgngé ri seddé Bolana Puwangnge, sibawa untu' témbo'na kotaé enrengngé bola iya uwonroiyé matu. Napennoini arungngé sininna paréllaukkuro, nasaba Allataala tulukka.

NEHEMIA 2:8 ပူးပေါင်းရင်းမြစ်များ

KAJAJIYANG 32:28

Nakkeda iyaro tauwé, “Tenniyana Yakub asemmu. Purano mallaga sibawa Allataala sibawa tolinoé, namupacau; rimakkuwannanaro asemmu mancajiwi Israél.”

EZRA 5:5

Iyakiya Allataala jagaiwi sibawa linrungiwi sining pamimping Yahudiéro, angkanna sining pajaba'na Persia pettuiwi untu' dé' nala tindakang ri wettu dé'napa nakiring sure' lao ri Darius sibawa tarimai pappébalinna.

EZRA 6:22

Pitungngesso ittana mennang mariyo-riyo ramé-raméiwi Pésta Roti Dé'é Raginna. Masennang senna'ni mennang saba' Puwangnge pura mébbui arung Asyur masémpo ati lao ri mennang angkanna nabantu mennang ri laleng jama-jamang patettongngi paimeng Bolana Puwangnge, Allataalana Israélié.

EZRA 6:8

Nasibawang iyaé uparéntangngi Saudara-saudara untu' bantui mennang ri laleng jama-jamang appatettongengngéro sibawa caraéwé: Sininna ongkoso appatettongengngé harusu'i riyala polé ri wassélé simana wanuwaé ri propinsi Efrat Yajang sibawa harusu'i riwajarengngi sining tauwéro tenripasoro-soro.

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

NEHEMIA 7:2

Apparéntanna kota Yérusalém uwabbéréyangngi lao ri silessurekku Hanani sibawa lao ri Hananya, pallimana bénténgngé, nasaba lebbiwi naiya tau laingngé, métaui lao ri Allataala sibawa weddingngi riyatepperi.

AMSAL 21:1

Pada-pada Puwangnge matoro'i uwai saloé kuwammengngi namassolo, situru élo-Na, makkuwatoro Napimpingngi pikkiranna arungngé.

PAKKATOBBA 2:6

Kalika sining kullang untu' mallekiwi iyaro sining tammengngé sibawa palla-palla'é.

YESAYA 66:14

Naitanaro, marennuko matu, enrengngé mancaji mawatang sibawa madising pada-pada wella loloé. Na ata-atak-Ku péneddingiwi matu akuwasak-Ku sibawa sining balik-Ku napérasai matu cai-Ku.”

RIWAYA'NA RASUL-RASUL-E 26:22

Iyakiya lettu iya essoéwé nalinrungika Allataala, angkakku weddikka tettong kuwaé mabbéréyangngi asabbiyakku lao ri sininna tauwé – battowa iyaré'ga baiccu. Aga iya upowadaéwé dé' nasilaingeng naiya puraé naboto nabi-nabié sibawa Musa;

RIWAYA'NA RASUL-RASUL-E 7:10

enrengngé paleppe'i polé ri sininna asussanna. Allataala mpéréngngi ati sibawa apanréng wettunna mennang mangolo ri Firaun, arung Maséré', angkanna Firaun pancajiwi gubernurna wanuwa Maséré' nenniya panguwasana saorajana Firaun.

2 KORINTUS 8:16

Temmaka sukkuru'ki lao ri Allataala saba' purani naébbu Titus sippato idi untu' tulukko!