NEHEMIA 2:5 - KITTA KAREBA MADECENG

⁵ nanauwakkeda lao ri arungngé, “Rékko napuwé loi Datué sibawa maéloi tarimai paréllaunna atatta, suroi atatta lao ri tana Yéhuda untu' patettongngi paimeng kota onrong kuburu'na néné-nénéna atatta.”

NEHEMIA 2:5 ပူးပေါင်းရင်းမြစ်များ

2 SAMUEL 14:22

Suju'ni Yoab ri yolona Daud, nanakkeda, “Tennapodo Allataala barakkakiwi Datu! Naissenni atatta makkekkuwangngé makkedaé napojiwi Datu atatta nasaba natarimai Datu parellaunna atatta.”

EZRA 5:17

Rékko napalaloi Datu, riyappétangngarengngi kuwammengngi narisalidiki ri laleng arsip akkarungengngé ri Babél. Nanallalengiwi weddingngi riisseng aga tongeng engka paréntana Arung Korés untu' patettongngi paimeng Bolana Puwangnge ri Yérusaléngngé. Nainappa méllauki karéba passalenna apettunna Datu lao-laona parakaraéro.”

NEHEMIA 2:4

Nakkutana arungngé, “Jaji, aga muwacinnai?” Ri laleng ati massempajakka lao ri Allataala makuwasaé ri surugaé,

NEHEMIA 2:6

Nainappa arungngé iya mattengngangngé tudang riseppi ri bainéna, natarimani paréllaukku. Makkutanani siyaga ittana maéloka monro kuwaro sibawa uppanna lisu, naupaissengini tanggala iya puraé upattentu.

ESTER 1:19

Rimakkuwannanaro, riyéllauwi kuwammengngi nala apettung Datu makkedaé dé'na naweddinna Ratu Wasti mangolo ri Datu. Iyaro apettungngé harusu'i ripancaji undang-undang Persia sibawa Média, kuwammengngi dé' nawedding ribébbu paimeng. Purairo, wérénni tudangenna Ratu Wasti lao ri makkunrai laingngé iya lebbi makessingngé naiya aléna.

ESTER 5:8

“Rékko napuwéloi Datu tarimai paréllaunna atatta, sitinajai Datu sibawa Haman polé paimeng ri perjamuwang iya napakangkaé atatta wenni paimeng. Ri perjamuwangngépparo matti napangoloi matu atatta paréllaunna atatta ri Datu.”

ESTER 7:3

Nappébali Ratu Ester, “Rékko napuwéloi Datu, naéllauwi atatta kuwammengngi atatta sibawa bangsana atatta weddingngi tuwo.

ESTER 8:5

“Rékko napuwéloi Datu sibawa napojiwi atatta, sitinajai Datu passu sure' parénta untu' bébbui sure'-sure'na Haman iya mallise'é parénta paccappui sininna tau Yahudié ri akkarungengngéwé.

AMSAL 3:4

kuwammengngi naripojiko sibawa riyangke ri Allataala sibawa tolinoé.

DANIEL 9:25

Cata'i sibawa pahangiwi iyaé: Wékkapitu pituttaung labe'é matu, mappammulai wettu ripassuna paréntaé untu' patettongngi paimeng Yérusalém, narapi poléna séddi tau pamimping napilé Allataala. Ri lalenna wékkapitu enneppulona duwa taung sining lalenna sibawa sining bénténna Yérusalém ripatettongngi matu paimeng, iyakiya iyaro wettué pennoi asukkarakeng.

MATIUS 23:27

Cilakano iko guru-guru agamaé sibawa tau Farisié! Mupoji mabbonga-bonga! Pada-padako tampung iya riparada puté; makessing riita ri saliwenna, iyakiya ri lalenna penno buku-buku sibawa sininna iya makebbongngé.

RUT 2:13

Nappébali Rut, “Makessing senna Bapa' lao ri iyya, namuni iyya dé' upada-pada sibawa pajjamana Bapa'. Abessangenna Bapa' nasaléwori senna'i atikku.”