NEHEMIA 2:3 - KITTA KAREBA MADECENG

³ nainappa mappébali, “Tuwoi Datu untu' mannennungeng! Pékkugi atatta temmasara, rékko kota onrong kuburu'na néné-nénéna atatta makkekkuwangngé goppo ruttungeng mani monro sibawa pintu-pintu gerbanna ancuru'ni nanré api.”

NEHEMIA 2:3 ပူးပေါင်းရင်းမြစ်များ

1 ARUNG-NGARUNG 1:31

Nasuju'na Batsyéba nakkedato, “Tuwoi Petta Arungngé untu' mannennungeng!”

2 ARUNG-NGARUNG 25:8

Ri tanggala pitunna uleng lima ri laleng taung maseppuloé aséra apparéntanna Nébukadnézar arung Babél, laoni ri Yérusalém séddi tau iya riyasengngé Nébuzaradan. Pappangajanai sibawa pallima tentarana Nébukadnézar.

2 TAWARIKH 21:20

Dé' muwi séddi tau sesse'i amaténna. Rikuburu'i ri Kota Daud, iyakiya dé' na ri laleng tampung arung-ngarungngé. Wettunna mancaji arung, umuru'na Yéhoram 32 taung, namapparéntai ri Yérusalém 8 taung ittana.

2 TAWARIKH 28:27

Matéi Ahas; narikuburu ri Yérusalém, iyakiya dé' na ri tampunna arung-ngarungngé. Hizkia ana' worowanéna mancaji arung sulléiwi.

2 TAWARIKH 32:33

Matéi Hizkia, naritampung ri bagiyang tuppungngé ri tana akkuburukeng arung-ngarungngé. Sininna ra'ya' Yéhuda sibawa Yérusalém mpéréngngi pappakaraja iya battowaé lao ri aléna wettunna maté. Manasyé ana' worowanéna mancaji arung sulléiwi.

2 TAWARIKH 36:19

Naruttungngi témbo'na kota Yérusalém, sibawa natunui iyaro kotaé, muttama'ni Bolana Puwangnge sibawa sininna saorajaé silaong barab-barang mangke'é iya engkaé mupa ri laleng sining saorajaéro.

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

NEHEMIA 2:13

Makalemmeng mupi wettunna risalai kotaé lalo ri Pintu Gerbang Lompo'é ri seddé yajang. Mattujuki ri seddé yattang, ri Pintu Gerbang Warowoé, lalo ri Mata Uwai Naga. Ri laleng allalengengngéro uparéssai sining asolangenna témbo'na kotaé sibawa uwita towi pintu-pintu gerbang iya cappuénna nanré api.

ESTER 8:6

Pékkugi makkullé atatta mitai bangsana sibawa sumpulolona atatta cappu riyuno?”

MAZMUR 102:14

Tokkok-Ko matu sibawa mamaséiwi Sion, narapini wettunna untu' mamasé lao ri aléna.

MAZMUR 102:15

Saba' ata-atam-Mu napojiwi, namuni mancajini ruttungeng. Marasa kasiyangngi mennang lao ri aléna, namuni mancaji awuni.

MAZMUR 137:6

Leppessakka dé' naweddinna makkélong rékko uwallupaiko sibawa dé' upancajiko upojiyé!

MAZMUR 38:7

Cannunnuka sibawa mabbukku, puppu esso masara sibawa messé.

YEREMIA 52:12

Ri tanggala seppulona uleng lima ri laleng taung maseppuloé aséra apparéntanna Nébukadnézar arung Babél, laoni ri Yérusalém séddi tau riyasengngé Nébuzaradan. Aléna iyanaritu pappangajana sibawa kapala pengawal paribadinna Nébukadnézar.

AWATINGENG 2:9

Natébunni tana sining gerbanna, poloni sining paccala'na; arung sibawa pajaba pamaréntaé engkai ri appalirengngé. Dé'na nappagguruwangngi hukkunna Puwangnge; dé'na natarima wéré nabié polé ri Puwangnge.

DANIEL 2:4

Mappébalini mennang ri laleng basa Aram, “Tuwoi Puwakku mannennungeng! Curitani nippiéro lao ri idi, natapakatajangngi matu bettuwanna.”

DANIEL 3:9

Makkedai mennang lao ri Arung Nébukadnézar, “Tuwoi Puwakku mannennungeng!

DANIEL 5:10

Naéngkalingana gora-gorana arungngé sibawa sining tomarajana, muttama'ni indo'na arungngé ri laleng onrong appéstangngéro. Nainappa makkeda, “Tuwoi Puwakku mannennungeng! Pattennanni atinna Puwakku sibawa aja' mumakawiya.

DANIEL 6:21

Lettu'nana kuwaro, gorani sibawa sadda bata-bata, “Daniél, atanna Allataala iya tuwoé! Aga Allataalamu iya musompaé sibawa matinuluro naulléi passalama'ko polé risining singaéro?”

DANIEL 6:6

Nainappa mennang makkeda, “Banna weddikki lolongengngi asalanna Daniél ri laleng passaleng iya engkaé assisumpungenna sibawa agamana.”

ANGIMANGENG 26:31

Upinrai kota-kotamu mancaji goppo-goppo ruttungeng, sining onrong assompammu Uwancuru'i sibawa dé' Utarimai sining akkarobammu.