NEHEMIA 2:19 - KITTA KAREBA MADECENG

¹⁹ Wettunna iyaro rancanata naisseng Sanbalat, Tobia sibawa Gésyem, séddiwi tau Arab, nacawa-cawaini sibawa méllé-kéllé'ki. Makkedai mennang, “Aga maélo mupogau'? Maélokoga maronta lao ri arungngé?”

NEHEMIA 2:19 ပူးပေါင်းရင်းမြစ်များ

NEHEMIA 13:28

Yoyada iyanaritu ana'na Imang Lompo Elyasib, iyakiya séddi polé ri ana'na Yoyada mancaji ménéttunna Sanbalat polé ri kota Bét-Horon. Rimakkuwannanaro urukkai Yoyada polé ri Yérusalém.

NEHEMIA 2:10

Iyakiya wettunna Sanbalat, tau Bét-Horon, sibawa Tobia, séddiwi pajaba polé ri Amon, naéngkalinga makkedaé poléka untu' apentingenna bangsa Israélié, massessekalé senna'ni mennang.

NEHEMIA 4:1

Wettunna naéngkalinga Sanbalat makkedaé idi tau Yahudié mattengngangngi pédécéngiwi témbo'na kotaé, macai senna'ni sibawa mappammulani méllé-kéllé'ki.

NEHEMIA 6:6

iya lise'naé makkuwaé: “Napattongengngi Gésyem engkanna karéba-karéba ri yelle'na bangsa-bangsa ri seddé kuwaé, iya powadaéngngi makkedaé Saudara sibawa sininna tau Yahudié narancanai maronta, na iyanaro saba'na napédécéngiwi Saudara témbo kotaé. Napowada towi makkedaé maéloi Saudara makkai aléna mancaji arunna Yéhuda,

NEHEMIA 6:9

Nacobani mennang péttauriki kuwammengngi naripappésau jama-jamangngéro. Massempajakka, “Oh Allataala, péwatangika!”

AYUB 30:1

Iyakiya makkekkuwangngé riyéllé'ka ri tau iya lebbi maloloé. Riyolo uwitai ambo'na mennang matuna senna untu' monrowangngi bimbala'ku silaong asu pakkampié.

MAZMUR 123:4

Genne'ni riyéllé-kéllé ri tau sugié, sibawa ribuwé' risining tau iya matempoé.

MAZMUR 79:4

Mancajiki akkéllé-kéllékenna bangsa-bangsa sideppéta, nacawa-cawaiki mennang sibawa nabuwé'ki.

MAZMUR 80:6

Muwérékki teri untu' inanré, uwai mata maona untu' énungeng.

MAZMUR 80:7

Muleppessangngi bangsa-bangsa sideppéta, massasa passalenna tanata macawai masennang sining balitta.

YESAYA 36:5

Muwasengngi ada-adaé bawang wedding sulléiwi siyasa'é sibawa awatangeng tentaraé? Niga muwattuwang angkanna baraniko méwai Asyur?

YEREMIA 20:8

Sises-siseng mabbicaraka, harusu'ka gora maggangka ullé, “Abeccokeng! Abala!” Puwang, riyéllé'ka sibawa ripakatuna tungke wettu, nasaba palettu'i pasem-Mu.

YEREMIA 41:10

Nainappa natikkeng Ismaél sining ana' makkunrainna arungngé sibawa sininna tau iya engkaé mupa ri Mizpa iya puraé nabbéréyang Nébuzaradan lao ri anganrowangenna Gedalya. Ritawanni mennang ri Ismaél nainappa joppa silaong mennang mattuju ri daérana Amon.

MATIUS 9:24

makkedani ri mennang, “Assu manekko! Iyaé ana'é dé' namaté'; matinroi bawang.” Nacawa-cawai manenni mennang Yésus.

MARKUS 5:40

Nacawa-cawaini mennang Yésus. Nasuroni Yésus massu maneng mennang. Nainappa natiwi indo' ambo'na iyaro ana'é sibawa iya tellu ana' gurun-Na muttama' ri kamara'na iyaro ana'é.

LUKAS 23:2

Nakkuwanaro mennang mappammula tenre'i. Makkedani mennang, “Rilolongengngi iyaé tauwé papusai ra'ya'é. Napangarai tauwé kuwammengngi aja' nakkamaja sima lao ri Kaisar, saba' adanna Aléna iyanaritu Kristus, séddiwi arung.”

YOHANES 19:12

Wettunna naéngkalinga Pilatus iyaro, makkuragani untu' leppessangngi Yésus. Iyakiya gora-gorai sining tau Yahudié, “Rékko tapaleppe'i Puwang, tenniyana Puwang sellaona Kaisar! Tau iya mangakué aléna arung, iyanaritu balinna Kaisar!”

RIWAYA'NA RASUL-RASUL-E 24:5

Rilolongengngi iyaé tauwé pangacau iya mabbahayaé. Kégi-kégi paompoi arukkang ri yelle'na sining tau Yahudié sibawa mancajiwi pamimpinna gerakang tau Nazarét-é.

IBRANI 11:36

Engka iya riyéllékéllé'é, ricambu', risiyo sibawa ranté enrengngé riputtama ri laleng tarungkué.