NEHEMIA 2:17 - KITTA KAREBA MADECENG

¹⁷ Iyakiya rimunri makkedaka lao ri mennang, “Itani keadaatta iya manrasa-rasaéwé! Sésa-sésana mani Yérusalém monro sibawa pintu-pintu gerbanna cappuni nanré api. Laono mai tapatettongngi paimeng témbo-témbo kotana Yérusalém kuwammengngi dé'na naripakatunaki paimeng.”

NEHEMIA 2:17 ပူးပေါင်းရင်းမြစ်များ

EZRA 9:9

Wettutta engka mupa ri laleng angatangengngé, dé' Musalaiki. Muwébbuki riyélori ri arung-ngarung Persia sibawa ripalalo tuwo enrengngé patettongngi paimeng Bola-Mu iya goppo ruttungengngénna mani monroro. Muwérékki allinrungeng kuwaé, ri Yéhuda sibawa ri Yérusalém.

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

NEHEMIA 2:13

Makalemmeng mupi wettunna risalai kotaé lalo ri Pintu Gerbang Lompo'é ri seddé yajang. Mattujuki ri seddé yattang, ri Pintu Gerbang Warowoé, lalo ri Mata Uwai Naga. Ri laleng allalengengngéro uparéssai sining asolangenna témbo'na kotaé sibawa uwita towi pintu-pintu gerbang iya cappuénna nanré api.

NEHEMIA 2:16

Dé' muwi séddi polé ri tomariyolona ra'ya'é missengngi kégika lao, sibawa aga iya urancanaé. Saba' lettu wettuéro dé'pa aga-aga upowada lao risining tau sibangsaku, muwi lao risining imangngé iyaré'ga lao risining tomariyoloé, iyaré'ga lao risining pegawé, sibawa nigi-nigi iya maéloé maccowé patettongngi kota Yérusalém.

MAZMUR 102:15

Saba' ata-atam-Mu napojiwi, namuni mancajini ruttungeng. Marasa kasiyangngi mennang lao ri aléna, namuni mancaji awuni.

MAZMUR 44:13

Mubalu'i umma'-Mu sibawa dé' nasiyaga ellinna, sibawa dé' aga-aga saro nalolongeng.

MAZMUR 44:14

Mupancajiki akkéllé-kéllékenna sining balibolaé naéllé'-kéllé'ki mennang sibawa nacawa-cawaiki.

MAZMUR 79:12

Oh Puwang, wale'i bangsa-bangsaéro leppi wékkapitu nasaba sininna pappakatunana mennang lao ri Iko.

MAZMUR 79:4

Mancajiki akkéllé-kéllékenna bangsa-bangsa sideppéta, nacawa-cawaiki mennang sibawa nabuwé'ki.

YEREMIA 24:9

Maélo-Ka cilakaiwi mennang makkuwa mani rupanna angkanna métau sininna bangsaé ri sininna linoé. Kégi-kégi Upatassiya-siya mennang, riyéllé'i matu mennang, ripancaji addicawang sibawa ribuwé'. Ripakéi matu asenna mennang selaku tanro.

AWATINGENG 2:2

Tungke' padang wellaé ri wanuwa Yéhuda, Naancuru'i temmaressé. Naleppoi ri laleng cai-Na gangka maruttung sining bénténg iya linrungiyéngngi wanuwaéro. Iyaro akkarungengngé silaong sining pamimpinna Napasempé'i angkanna mancaji matuna.

AWATINGENG 3:51

Messéni atikku mitai totona sining makkunraié ri kotata.

YEHEZKIEL 5:14

Mancajiko matu sésa-sésa ruttungeng simata sibawa bangsa-bangsaé ri mattulilimmu méllé-kéllé'ko matu; tungke tau iya laloé mabélaiko matu.

MIKHA 7:11

Eh Yérusalém! Narapini wettunna mupatettong paimeng témbo'-témbo' kotamu. Iyaro essoé rilowangiwi matu daéramu.

1 SAMUEL 11:2

Nappébali Nahas, “Nasibawang sara'éwé bawang maéloka mébbu assijancing, ‘Ucukkéi matu mata ataummu tungke'-tungke' selaku pappakatuna lao ri sininna Israélié!’ ”