NEHEMIA 2:16 - KITTA KAREBA MADECENG

¹⁶ Dé' muwi séddi polé ri tomariyolona ra'ya'é missengngi kégika lao, sibawa aga iya urancanaé. Saba' lettu wettuéro dé'pa aga-aga upowada lao risining tau sibangsaku, muwi lao risining imangngé iyaré'ga lao risining tomariyoloé, iyaré'ga lao risining pegawé, sibawa nigi-nigi iya maéloé maccowé patettongngi kota Yérusalém.

NEHEMIA 2:16 ပူးပေါင်းရင်းမြစ်များ

NEHEMIA 2:15

Jaji, nonnoni ri Lompo Kidron sibawa patterui joppaé ri wenniéro, nariparéssato témbo kotaé. Purairo bélo'ni talisu ri kotaé molai Pintu Gerbang Lompo'é.

NEHEMIA 2:17

Iyakiya rimunri makkedaka lao ri mennang, “Itani keadaatta iya manrasa-rasaéwé! Sésa-sésana mani Yérusalém monro sibawa pintu-pintu gerbanna cappuni nanré api. Laono mai tapatettongngi paimeng témbo-témbo kotana Yérusalém kuwammengngi dé'na naripakatunaki paimeng.”

ASSURENG 24:11

Iyaro sining pamimpinna Israélié naitani Allataala; namuni makkuwaro dé' mennang Naripabbinasa. Purairo manréni sibawa ménunni mennang.

AMSAL 12:23

Tau mapanré dé' nattempowangngi pangissengenna; tau madonggoé nallabowangngi adonggonna.