NEHEMIA 2:14 - KITTA KAREBA MADECENG

¹⁴ Nainappa polé ri alauna kotaé matteruki limanorang, ri Pintu Gerbang Uwai Jompié sibawa Kullang Arungngé. Iyakiya kuwaro dé'égaga laleng untu' kaleddé iya utonangiyéro, nasaba maéga senna ruttungeng.

NEHEMIA 2:14 ပူးပေါင်းရင်းမြစ်များ

2 ARUNG-NGARUNG 18:17

Iyakiya iyaro arung Asyur kiringngi polé ri Lakhis séddi pasukang battowa untu' gasai Yérusalém. Iyaro pasukangngé napimpingngi tellu parawira tanré iyanaritu séddi pallima, séddi juru énungeng, sibawa séddi kapala pengawalna arungngé. Lettu'nana ri kotaéro malani mennang onrong ri dare'é, iya riyasengngé Dare Ménatu seddéna sépe iya massolokengngéngngi uwaié polé ri kullang bagiyang yasé'é.

2 ARUNG-NGARUNG 20:20

Curita laingngé passalenna Arung Hizkia, passalenna jasa-jasa abaraningenna, sibawa pékkugi mébbui kullangngé sibawa sépe'é untu' passolo'i uwaié lao ri kotaé, iya manenna riyokii ri laleng kitta Sejarana Arung-ngarunna Yéhuda.

2 TAWARIKH 32:30

Arung Hizkia ritu téppo'i mata uwaina Gihon, nanapassolo'i uwaina lalo ri sépe'é ri laleng tanaé muttama ri kota Yérusalém. Sininna iya napogau'é Hizkia papoléi wassélé.

NEHEMIA 12:37

Lettu'na ri Pintu Gerbang Uwaié Jompié bélo'ni mennang sibawa tuppuiwi addénénna Kota Daud, naolai saorajana Daud, nainappa lisu ri témbo'é ri Pintu Gerbang Uwaié ri seddé alauna kotaé.

PAKKATOBBA 2:6

Kalika sining kullang untu' mallekiwi iyaro sining tammengngé sibawa palla-palla'é.