NEHEMIA 2:13 - KITTA KAREBA MADECENG

¹³ Makalemmeng mupi wettunna risalai kotaé lalo ri Pintu Gerbang Lompo'é ri seddé yajang. Mattujuki ri seddé yattang, ri Pintu Gerbang Warowoé, lalo ri Mata Uwai Naga. Ri laleng allalengengngéro uparéssai sining asolangenna témbo'na kotaé sibawa uwita towi pintu-pintu gerbang iya cappuénna nanré api.

NEHEMIA 2:13 ပူးပေါင်းရင်းမြစ်များ

2 TAWARIKH 26:9

Untu' pakkasse'i kota Yérusalém, patettongngi Uzia manara ri Pintu Gerbang Sunna, ri Pintu Gerbang Lompo'é sibawa lékoreng témbo'é.

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

NEHEMIA 12:31

Uwéllauwi sining pamimping Yéhudaé ménré ri tompo'na témbo'é untu' matoro'i duwa kalompo battowa iya mabbarisi'é matu mattulilingiwi kotaé nanakkélotto pappojiyang sukkuru lao ri Allataala. Kalompo mammulangngé mabbarisi'i ri tompo'na témbo'é, mattuju ri atau, ri Gerbang Warowoé.

NEHEMIA 2:12

Ri laleng wettuéro dé' uwappaissengengngi muwi lao ri nigi-nigi makkedaé Allataala mpérékka wéré untu' patettongngi paimeng kota Yérusalém. Pappa bajana moto'na ri wennié nainappa mérai siyagangngaré sellaoku massu joppa-joppa ri saliweng kota. Ri lainnaé kaleddé iya utonangiyé, dé' tatiwi olokolo tonangeng laingngé.

NEHEMIA 2:15

Jaji, nonnoni ri Lompo Kidron sibawa patterui joppaé ri wenniéro, nariparéssato témbo kotaé. Purairo bélo'ni talisu ri kotaé molai Pintu Gerbang Lompo'é.

NEHEMIA 2:17

Iyakiya rimunri makkedaka lao ri mennang, “Itani keadaatta iya manrasa-rasaéwé! Sésa-sésana mani Yérusalém monro sibawa pintu-pintu gerbanna cappuni nanré api. Laono mai tapatettongngi paimeng témbo-témbo kotana Yérusalém kuwammengngi dé'na naripakatunaki paimeng.”

NEHEMIA 2:3

nainappa mappébali, “Tuwoi Datu untu' mannennungeng! Pékkugi atatta temmasara, rékko kota onrong kuburu'na néné-nénéna atatta makkekkuwangngé goppo ruttungeng mani monro sibawa pintu-pintu gerbanna ancuru'ni nanré api.”

YEREMIA 5:10

Suroka matu bali untu' solangiwi palla anggoro'na mennang, iyakiya tenniya untu' paccappui. Usuroi matu iyaro balié lébongngi carangé-carangéna pong anggoro'na mennang, saba' iyaro carangé-carangéé tenniya appunnangek-Ku.