NEHEMIA 2:1 - KITTA KAREBA MADECENG

¹ Riséuwaé esso, eppa uleng rimunrinna, iyanaritu ri uleng Nisan, wettunna Arung Artahsasta mattengngang manré, patalana anggoro ri yolona sibawa tappa iya masussaé. Dé'pa naengka napaita masussa ri yolona pada-pada essoéro.

NEHEMIA 2:1 ပူးပေါင်းရင်းမြစ်များ

KAJAJIYANG 40:11

Iyaro wettué uwakkatenningngi kaca énungenna arungngé, jaji uwalani iyaro buwa anggoro'é nanaupara'i ri laleng kacana arungngé, nainappa uwéréngngi.”

KAJAJIYANG 40:21

Pangurusu énungengngé napalisui lao ri jabatanna riyolo.

EZRA 4:7

Makkuwatoro ri laleng apparéntanna Artahsasta, arung Persia, makkolingngi iyaro kajajiyangngé: Bislam, Mitrédat, Tabeel sibawa sellao-sellaona menang mokii sure' lao ri arungngé. Iyaro sure'é naokii ri laleng basa Aram, sibawa harusu'i rilémba wettunna ribacangeng.

EZRA 7:1

Mattaut-taung ri munrinna, wettunna Artahsasta mapparénta selaku arung Persia, engka séddi worowané riyaseng Ezra, polé ri wija-wijanna Imang Lompo Harun. Jori assossorenna polé ri yawa liyasé iyanaritu selaku mangoloéwé: Ezra Séraya Azarya Hilkia

NEHEMIA 1:1

Iyanaé laporanna Néhémia ana' Hakhalya passalenna jama-jamanna. Ri laleng uleng Kisléw ri taung maduwappuloé apparéntanna Artahsasta selaku arung ri Persia, iyya, Néhémia, engkaka ri Susan, ibukotana akkarungengngé.

NEHEMIA 1:11

Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.” Iyaro wettué pangurusu énungennaka arungngé.

ESTER 3:7

Ri taung maseppuloé duwa apparéntanna Arung Ahasywéros, ri uleng séddinna, iyanaritu uleng Nisan, nasuroni Haman mundiwi iya riyasengngé “purim” untu' missengngi esso sibawa uleng kégaénna coco untu' pajoppai niya'na iya majaéro. Na ripattette'na tanggala seppulo tellu uleng seppulo duwa, iyanaritu uleng Adar.

DANIEL 9:25

Cata'i sibawa pahangiwi iyaé: Wékkapitu pituttaung labe'é matu, mappammulai wettu ripassuna paréntaé untu' patettongngi paimeng Yérusalém, narapi poléna séddi tau pamimping napilé Allataala. Ri lalenna wékkapitu enneppulona duwa taung sining lalenna sibawa sining bénténna Yérusalém ripatettongngi matu paimeng, iyakiya iyaro wettué pennoi asukkarakeng.