NEHEMIA 13:9 - KITTA KAREBA MADECENG

⁹ Nainappa uwassurowang kuwammengngi naripakangka upacara pappépaccingngé untu' bili'-bili'éro. Purairo upalisuni kuwaro sininna pakkasuwiyang gandongngé sibawa kamennyangngé enrengngé paréwa-paréwanna Bolana Puwangnge.

NEHEMIA 13:9 ပူးပေါင်းရင်းမြစ်များ

2 TAWARIKH 29:5

namabbicara sibawa mennang kuwaro. Makkedai, “Iko, sining tau Léwié, harusu'i mupallaing alému untu' Puwangnge, sibawa pépaccingiwi Bolana Puwangnge, Allataalana toriyolomu. Sininna iya pénajisi'éngngi iyaro bolaé harusu'i ripaddésu.

NEHEMIA 10:37

Ritiwii matu lao risining imangngé ri Bolana Puwangnge lama labbu polé ri gandongngé iya bunge' riyéngngalaé tungke' taung, makkuwatoro sining pakkasuwiyang laing maddupa anggoro'é, minnya zaitun sibawa sininna rupanna buwa-buwaé. Pakkasuwiyang tawa seppulo polé ri dare'ta ritiwii matu risining tau Léwi iya lélééngngi sining pakkasuwiyang tawa seppuloé ri kota-kota allaonrumangngé.

NEHEMIA 12:45

nasaba mennang ritu pogau'i upacara pappépaccingngé sibawa upacara-upacara laing iya puraé napparéntang Allataala. Sining pacculé musi'é sibawa panganrowang pintu gerbang Bolana Puwangnge napogau' towi jama-jamanna mennang, situru sibawa peraturanna Arung Daud sibawa Salomo, ana' worowanéna.

YEHEZKIEL 40:38

Ri seddé saliwenna engka séddi bili' pattambana ri gerbang lalengngé tibang manorang. Polé ri bili' pattambanaro engka séddi sumpang iya mattujué ri bili' battowaé. Kuwaniro ribissai sining olokolo untu' akkarobangeng ritunué.