NEHEMIA 13:5 - KITTA KAREBA MADECENG

⁵ Elyasib mpéréngngi Tobia séddi bili' battowa iya sitongennaé ripassadiyai banna untu' taroi pakkasuwiyang gandongngé, kamennyangngé, paréwa-paréwa iya ripaké ri Bolana Puwangnge, pakkasuwiyang untu' sining imangngé, tawa seppulona gandongngé, anggoro'é, sibawa minnya zaitungngé, iya maéloé ribagé-bagé lao risining tau Léwié, sining pacculé musi'é sibawa panganrowang gerbanna Bolana Puwangnge.

NEHEMIA 13:5 ပူးပေါင်းရင်းမြစ်များ

2 TAWARIKH 31:11

Nasaba paréntana arungngé, passadiyani mennang sining gudang ri seddéna Bolana Puwangnge,

2 TAWARIKH 34:11

lao risining panré ajué sibawa panré bolaé iya harusu'é melli batu sibawa aju untu' pédécéngiwi sining bola iya puraé naleppessang masolang sining arung Yéhudaé.

NEHEMIA 10:36

Ritiwii matu ana'-ana' worowanéta iya macowaé lao risining imangngé ri Bolana Puwangnge untu' mabbéréyangngi lao ri Allataala, situru sibawa peraturang Hukkungngé. Mabbéré tokki matu ana' saping, ana' bimbala iyaré'ga ana' bémbé'ta iya bunge' jajiyé.

NEHEMIA 10:37

Ritiwii matu lao risining imangngé ri Bolana Puwangnge lama labbu polé ri gandongngé iya bunge' riyéngngalaé tungke' taung, makkuwatoro sining pakkasuwiyang laing maddupa anggoro'é, minnya zaitun sibawa sininna rupanna buwa-buwaé. Pakkasuwiyang tawa seppulo polé ri dare'ta ritiwii matu risining tau Léwi iya lélééngngi sining pakkasuwiyang tawa seppuloé ri kota-kota allaonrumangngé.

NEHEMIA 10:38

Iyakiya séddié imang wija Harun harusu'i ranrengngi sining tau Léwiéro rékko naléléi mennang sining pakkasuwiyangngéro. Sibawa tawaseppulona polé risininna pakkasuwiyangngéro harusu'i natiwi sining tau Léwiéro risining bili' bokongngé ri Bolana Puwangnge.

NEHEMIA 12:44

Iyaro wettué siyagangngaré tau risuro jagaiwi bili'-bili' bokong onrong attarong sining sumbangengngé untu' Bolana Puwangnge, muttama'ni pakkasuwiyang tawa seppuloé sibawa wassélé mammulangngé tungke' taung. Iyaro sining pajagaé waji'i paddeppungengngi sining sumbangengngéro polé risining dare'é ri seddéna kotaé. Iyaro sining sumbangengngé nabbéréyangngi lao risining imangngé sibawa sining tau Léwié, situru sibawa peraturang Hukkungngé. Sining tau Yéhudaé pakarajai sining imangngé sibawa sining tau Léwiéro,

NEHEMIA 13:7

untu' lisu ri Yérusalém. Lettu'ku kuwaé, tassélenna missengngi makkedaé Elyasib pura mpéréngngi Tobia séddi bili' ri Bolana Puwangnge.

YEHEZKIEL 40:38

Ri seddé saliwenna engka séddi bili' pattambana ri gerbang lalengngé tibang manorang. Polé ri bili' pattambanaro engka séddi sumpang iya mattujué ri bili' battowaé. Kuwaniro ribissai sining olokolo untu' akkarobangeng ritunué.