NEHEMIA 13:26 - KITTA KAREBA MADECENG

²⁶ Adakku, “Tenniyaga iyato dosaéwé napogau' Arung Salomo? Dé'gaga arung ri linoéwé iya lebbi battowaé naiya aléna. Riyamaséiwi ri Allataala sibawa pancajiwi arung ri sininna Israélié. Namuni makkuwaro purani ripalécé risining makkunrai bangsa laingngé untu' pogau' dosa.

NEHEMIA 13:26 ပူးပေါင်းရင်းမြစ်များ

1 ARUNG-NGARUNG 21:25

Dé' naengka tau iya mabbaranié pogau'i majaé ri pakkitanna Puwangnge pada-pada iya napogau'é Ahab. Sininna jaéro napogau'i nasaba doronganna Izebél, bainéna.

1 ARUNG-NGARUNG 3:12

Upennoiwi matu iyaro paréllaummu. Maélo-Ka pancajiko lebbi mapanré sibawa lebbi macca naiya muwi niga, muwi wettu labe'é iyaré'ga wettu mangoloé.

1 ARUNG-NGARUNG 3:13

Mala muwi iya dé'é muwéllauwi Uwéréng tokko matu: gangka tuwomu sugiko matu sibawa ripakalebbi nacau muwi arung laing niga.

1 ARUNG-NGARUNG 4:1

Mancaji arunni Salomo ri sininna wanuwa Israélié.

2 TAWARIKH 1:12

Rimakkuwannanaro Uwérékko matu apanréng sibawa pangissengeng. Ri lainnaéro Upancajiko matu lebbi madécéng, lebbi sugi sibawa lebbi tarompo naiya muwi arung niga ri wettu labe'é iyaré'ga wettu mangoloé.”

2 TAWARIKH 9:22

Lebbi sugii Arung Salomo sibawa lebbi panréi naiya muwi arung niga ri linoé.

AMSAL 31:3

Aja' muwallabowangngi awatangemmu iyaré'ga massiyamporengngi awatangemmu lao ri makkunraié. Maégani arung iya ancuru'é nasaba makkunrai.

PAKKATOBBA 7:26

Ulolongengngi makkedaé makkunraié lebbi mapayii naiya amaténgngé. Pappojinna makkunraié pada-padai jalaé sibawa siyo-siyoé iya sadiyaé tikkengngi anréna. Pakkaddaona pada-padai balenggu iya pasiyoé mare. Tau iya pogau'éngngi élona Allataala leppe'i polé ri siyo-siyona, iyakiya tau madosaé pasti natawangngi matu.