NEHEMIA 13:25 - KITTA KAREBA MADECENG

²⁵ Uwamparengngi sibawa utanroi mennang. Engka ubarasa sibawa upute gemme'na. Nainappa usuro mennang mattanro ri laleng asenna Allataala makkedaé mennang sibawa ana'-ana'na dé'na namaélo kawing sicampuru'na.

NEHEMIA 13:25 ပူးပေါင်းရင်းမြစ်များ

2 ARUNG-NGARUNG 2:24

Gilinni Elisa sibawa mitai mennang nainappa natanroi ri laleng asenna Puwangnge. Iyatoro wettué namassu polé ri ale'é duwa beruang sibawa sapé-sapé'i patappulo duwa ana' polé ri yelle'na ana'-ana'éro.

EZRA 10:5

Nappammulana Ezra tinda. Nasuroni imang-ngimang kapalaé, sining tau Léwié sibawa sining tau Israél laingngé mattanro makkedaé maéloi mennang pogau'i tangngana Sékhanyaro.

EZRA 7:26

Tungke' tau iya dé'é naturusiwi hukkung-hukkunna Allataalana Saudara, iyaré'ga hukkung-hukkunna akkarungengngé, harusu'i rihukkung maté masitta, iyaré'ga ripali, iyaré'ga rirappa waramparanna, iyaré'ga ritarungku.”

NEHEMIA 13:11

Nauwamparenni sining tomariyoloé nasaba naleppessangngi mennang Bolana Puwangnge kariya-riya. Nainappa uwobbi lisu sining tau Léwié nausuroi majjama paimeng.

NEHEMIA 13:17

Uwamparenni sining pamimpinna Yéhuda sibawa makkedaka, “Dé'ga mumainge makkedaé purano pogau' ja nasaba mucarépaiwi esso Saba'é?

NEHEMIA 13:24

Sibagiyang polé ri ana'-ana'na dé' napahangngi basa Yahudié, sangadinna basa Asdod iyaré'ga basa laingngé.

NEHEMIA 5:13

Nainappa ulukka pabbekkekku nauleppessangngi umakkedato, “Makkuwaiyé sitinajanna Allataala paleppe'i tungke' tau iya dé'é narupaiwi jancinna. Iyaro tauwé mancaji kasiyasiwi matu, bola sibawa sininna waramparanna riyalai matu ri Allataala!” Nappébali sininna jema'é, “Aming!” nainappa napoji Puwangnge. Narupaini jancinna mennang sining pamimpingngéro.

NEHEMIA 5:6

Naéngkalingana addarékénna mennanro, macai senna'na

MAZMUR 119:53

Macai senna'ka lao ri tau majaé, nasaba nasalaiwi hukkum-Mu.

MAZMUR 15:4

iya mangga mariyawaéngngi tau iya risampéyangngé ri Allataala, iyakiya pakalebbii tau mateppe'é; iya rupaiyéngngi jancinna, namuni rogi

ASSURENG 34:16

Rékko kawingngi ana'-ana'mu sibawa sining makkunrai laingngé, ripalécéi matu risining makkunraiéro untu' salai-Ka nanasompai déwata-déwatana.

AMSAL 28:4

Niga tettangngi hukkungngé, naccowériwi tau majaé; niga turusiwi hukkungngé naéwai tau majaé.

YESAYA 50:6

Uwabbéréyangngi lekke'ku lao ri tau iya munruékka; sibawa rupakku lao ri tau iya bébbuéngngi janggo'ku. Dé' upagilingngi tappaku wettukku ripakatuna sibawa riyamméccui.

ULANGENG 6:13

Pakalebbii Puwang, Allataalamu, sibawa massompa ri Aléna bawang, narékko mattanroko, pogau'i ri laleng asen-Na bawang.

ULANGENG 7:3

Dé' naweddikko kawing sibawa mennang, sibawa aja' mupalaloi ana'-ana'mu kawing sibawa mennang,

YOSUA 23:12

Rékko dé' mumatinulu sibawa sicampuru'ko sibawa bangsa-bangsa iya monroé mupa ri yelle'mu, enrengngé kawikko sibawa mennang,