NEHEMIA 13:23 - KITTA KAREBA MADECENG

²³ Iyaro wettué uwita towi makkedaé maéga tau Yahudi pura kawing sibawa sining makkunrai polé ri bangsa Asdod, Amon sibawa Moab.

NEHEMIA 13:23 ပူးပေါင်းရင်းမြစ်များ

1 ARUNG-NGARUNG 11:1

Maéga makkunrai laing napoji Salomo. Ri lainnaé ana'na arung Maséré, kawing towi Salomo sibawa makkunrai-makkunrai Hét-é, Moab-é, Amongngé, Edongngé sibawa Sidongngé.

EZRA 10:10

Nainappa Ezra tettong sibawa mabbicara lao ri mennang. Makkedai, “Madosano sibawa tambaiwi asalanna Israélié nasaba mukawingiwi makkunrai bangsa laingngé.

EZRA 10:44

Iya manenna tauwéro purani nakawingiwi makkunrai polé ri bangsa laingngé. Nanatelle'ni iyaro sining bainéna nanapaddésu'i silaong ana'-ana'na mennang.

NEHEMIA 10:30

Mattanroki untu' dé' takawing sicampuru sibawa bangsa-bangsa laing iya monroé ri wanuwatta.

NEHEMIA 10:31

Rékko engka bangsa laing maélo mabbalu gandong iyaré'ga muwi barang aga lao ri idi ri esso Saba'é iyaré'ga ri esso mapaccing laingngé, dé' tamaélo melliwi. Ri tungke' taung mapitué, dé' tamaélo jamai dare'é sibawa massinge inreng.

NEHEMIA 13:1

Wettunna ribacangeng hukkunna Musa lao ri ra'ya'é, rilolongenni pappakatajangngéwé: ‘Tau Amongngé sibawa Moab-é dé' sises-siseng nawedding masséddi sibawa umma'na Allataala;

NEHEMIA 13:24

Sibagiyang polé ri ana'-ana'na dé' napahangngi basa Yahudié, sangadinna basa Asdod iyaré'ga basa laingngé.

NEHEMIA 13:27

Maja senna pangkaukemmu! Baraniko méwai Allataala ri laleng kawingiwi sining makkunrai polé ri bangsa laingngé!”

NEHEMIA 4:7

Wettunna Sanbalat, Tobia sibawa sining tau polé ri Amon sibawa Asdod enrengngé sining tau Arab-é méngkalingai makkedaé appédécéngenna témbo Yérusalémro pédé majui sibawa sining sebbo'na témbo'é mammulani rilape', macai senna'ni mennang.

ASSURENG 34:11

Turusiwi sining hukkung iya Uwéréngngékko iyaé essoé. Upaddésu'i matu bangsa Amorié, Kanaangngé, Hét-é, Féris-é, Héwié sibawa Yébus-é wettummu maju.

2 KORINTUS 6:14

Aja' mumaélo siyempe' sining tau iya dé'é namateppe' ri Yésus; iyaro dé' nacoco'. Pékkugi wedding adécéngengngé masséddi sibawa jaé! Dé' nakkullé tajangngé sibawa pettangngé masséddi!

ULANGENG 7:1

“Puwang Allataalamu tiwiko matu ri wanuwa iya maéloé muwonroi, sibawa maéga bangsa ripaddésu matu polé kuwaro. Ri yolona matammu Napaddésu'i matu pitu bangsa iya lebbi battowaé sibawa lebbi mawatangngé naiya iko, iyanaritu sining tau Hét-é, Girgasié, Amorié, Kanaangngé, Féris-é, Héwié sibawa Yébus-é.

RUT 1:4

Iya duwa ana'-ana'naro kawingngi sibawa ana'-ana' dara Moab, iya riyasengngé Orpa sibawa Rut. Seppulo taung ri munrinna,

1 SAMUEL 5:1

Nasittainnana tau Filistingngé Petti Assijancinna Allataala, natiwini mennang polé ri Eben-Haézer lao ri kotana mennang, Asdod.