NEHEMIA 13:22 - KITTA KAREBA MADECENG

²² Nainappa usuro sining tau Léwié pogau' upacara pappépaccing alé sibawa monrowangngi pintu-pintu gerbangngé untu' jagaiwi kuwammengngi sining tauwé napakarajai esso Saba'é. Massempajakka, “Oh Allataala, éngngerakka nasaba gau'éttoro, sibawa amaséika situru sibawa pammasé-Mu iya battowaé.”

NEHEMIA 13:22 ပူးပေါင်းရင်းမြစ်များ

2 ARUNG-NGARUNG 20:3

“Puwang, éngngerangngi makkedaé iyya'é purana mattumani ri Iko sibawa matinulu enrengngé malempu atikku. Tuli makkuragaka turusiwi élo-Mu.” Nainappa teri Hizkia sibawa masussa.

2 ARUNG-NGARUNG 23:4

Purairo napparéntanni arungngé lao ri Imang Lompo Hilkia, sining imang pabbantué sibawa sining pengawal iya jagaé ri sumpang Bolana Puwangnge, kuwammengngi napassui polé ri Bolaéro sininna pakkakkasa iya ripaké untu' sompai Baal, Déwi Asyéra, sibawa sining wéttowingngé. Sininna barangngéro natununi Arung Yosia ri saliweng kota seddéna Lompo Kidron, nainappa awunna ritiwi ri Bétel.

2 TAWARIKH 29:24

Purairo nagéréni sining imangngé iyaro sining bémbé'é sibawa natiri'i darana ri mézbaé selaku akkarobangeng paddampengeng dosana sininna ra'ya'é. Napogau'i mennang gau'éro nasaba arungngé pura mapparéntangngi kuwammengngi napakangka akkarobangeng ritunu sibawa akkarobangeng paddampengeng dosa untu' sininna ra'ya' Israélié.

2 TAWARIKH 29:27

Hizkia mabbéré tanrang kuwammengngi naripammulai upacara pakkasuwiyangeng akkarobangengngé. Ri wettu riyakkasuwiyangenna akkarobangengngé, sining tauwé mappammulani makkélong pappojiyang lao ri Puwangnge, sibawa sining pacculé musi'é paoni tarompé nenniya paréwa musi' laingngé.

2 TAWARIKH 29:30

Arungngé sibawa sining tomariyolona masaraka'é suroi sining tau Léwié makkélong untu' Puwangnge pappoji-pojiyang iya nakarangngé Daud sibawa Nabi Asaf. Makkélonni sininna tauwé sibawa marennu senna namakkaluttuto sompai Allataala.

NEHEMIA 12:10

Iyanaé jori wijanna Imang Lompo Yésua: Yésua, Yoyakim, Elyasib, Yoyada,

NEHEMIA 12:30

Sining imangngé sibawa sining tau Léwiéro pogau'i upacara pappépaccingngé untu' aléna mennang nainappa untu' ra'ya'é, untu' pintu-pintu gerbangngé sibawa témbo kotaé.

NEHEMIA 13:14

Oh Allataalaku, éngngerangngi sininna iya puraé upogau' untu' Bolamué sibawa attumaningenna.

NEHEMIA 13:31

Uwatoro' towi kuwammengngi na ri wettu-wettu mattentué, aju tunung untu' pakkasuwiyangeng akkarobangengngé weddingngi ripassadiya sibawa weddingngi ra'ya'é tiwi pakaksuwiyang wassélé bunge' mammulangngé. Paccappurenna massempajakka, “Allataalaku, éngngerangngi iya manennaé sibawa barakkakika.”

NEHEMIA 5:19

Uwéllauwi oh Allataala, éngngerangngi sininna iya puraé upogau' untu' bangsaéwé sibawa barakkakika.

MAZMUR 130:7

Addennuwakko lao ri Puwangnge, éh umma'-Na, saba' tette'i mamasé, sibawa tuli sadiya mappassalama.

MAZMUR 5:7

Mupaccappui sining tau iya pojiyéngngi mabbellé, Muwita mariyawai pabbelléngngé sibawa pabbunoé.

MAZMUR 51:1

Untu' pamimping kor. Mazmur nakarangngé Daud

YESAYA 38:3

“Puwang, éngngerangngi makkedaé iyya'é purana mattumani ri alému sibawa matinulu nenniya malempu. Tuli makkuragaka turusiwi élomu.” Nainappa teri Hizkia sibawa mapeddi.

YESAYA 49:23

Arung-ngarungngé pada-padai matu ambo'é lao ri iko, sibawa sining ratué selaku indo'. Suju'i matu pakalebbiko sibawa pakariyawai aléna lao ri iko. Namuwissengngi matu makkedaé Iyya Puwang; tau iya mamménasaé ri Iyya dé' naripakacélé.”

YESAYA 55:7

Sitinajai tau majaé pédécéngiwi atuwonna, sibawa pinrai cara mappikkiri'na. Leppessangngi lisu ri Puwangnge, kuwammengngi nalolongeng paressé babuwa-Na. Sitinajai giling lao ri Allataalata, saba' maddampengngi Puwangnge sibawa makacuwa.

2 KORINTUS 1:12

Masenna'ki, saba' ati marilaletta pannessai makkedaé atuwotta ri linoéwé – utamana assisumpungetta sibawa Saudara – ripogau'i sibawa matinulu enrengngé mattonget-tongeng. Ripogau'i iyaro tenniya nasaba apanréng tolino, iyakiya nasaba amampungeng iya nabbéréyangngé Allataala.

ULANGENG 5:12

Pakarajai esso Saba'é sibawa pakalebbii selaku esso iya mapaccingngé, saba' Iyya'na Puwang Allataalamu iya mapparéntangngéngngi lao ri iko.