NEHEMIA 13:14 - KITTA KAREBA MADECENG

¹⁴ Oh Allataalaku, éngngerangngi sininna iya puraé upogau' untu' Bolamué sibawa attumaningenna.

NEHEMIA 13:14 ပူးပေါင်းရင်းမြစ်များ

2 ARUNG-NGARUNG 20:3

“Puwang, éngngerangngi makkedaé iyya'é purana mattumani ri Iko sibawa matinulu enrengngé malempu atikku. Tuli makkuragaka turusiwi élo-Mu.” Nainappa teri Hizkia sibawa masussa.

1 TAWARIKH 29:3

Mala nasaba upojinna Bolana Puwang Allataalakuro pura tona mabbéré péra' sibawa ulaweng polé ri waramparang appunnangekku:

2 TAWARIKH 24:16

Rikuburu'i ri tampung arung-ngarungngé ri Kota Daud untu' mangke'i jasa-jasana lao ri Allataala, lao ri Bolana Puwangnge sibawa lao ri umma Israélié.

EZRA 7:20

Na sininna apparelluwang laingngé untu' Bolana Puwangnge, weddingngi naéllau Saudara polé ri kasna akkarungengngé.

EZRA 7:24

Dé' naweddikko lélé sima polé risining imangngé, tau Léwié, pakkélongngé, panganrowang pintu gerbangngé, pajjamaé, iyaré'ga nigi-nigi iya engkaé assisumpungenna sibawa Bolana Puwangnge.

EZRA 7:27

Nanakkeda Ezra, “Pojiwi Puwang Allataala iya nasompaé néné-nénéta! Purani napakédo atinna arungngé angkanna maéloi jampangiwi Bolana Puwangnge ri Yérusalém.

NEHEMIA 13:22

Nainappa usuro sining tau Léwié pogau' upacara pappépaccing alé sibawa monrowangngi pintu-pintu gerbangngé untu' jagaiwi kuwammengngi sining tauwé napakarajai esso Saba'é. Massempajakka, “Oh Allataala, éngngerakka nasaba gau'éttoro, sibawa amaséika situru sibawa pammasé-Mu iya battowaé.”

NEHEMIA 13:31

Uwatoro' towi kuwammengngi na ri wettu-wettu mattentué, aju tunung untu' pakkasuwiyangeng akkarobangengngé weddingngi ripassadiya sibawa weddingngi ra'ya'é tiwi pakaksuwiyang wassélé bunge' mammulangngé. Paccappurenna massempajakka, “Allataalaku, éngngerangngi iya manennaé sibawa barakkakika.”

NEHEMIA 5:19

Uwéllauwi oh Allataala, éngngerangngi sininna iya puraé upogau' untu' bangsaéwé sibawa barakkakika.

YESAYA 38:3

“Puwang, éngngerangngi makkedaé iyya'é purana mattumani ri alému sibawa matinulu nenniya malempu. Tuli makkuragaka turusiwi élomu.” Nainappa teri Hizkia sibawa mapeddi.

IBRANI 6:10

Allataala tenniya Allataala iya dé'é na adélé'. Dé' nallupaiwi aga iya mupogau'é lao ri Aléna, sibawa pammasé iya muwappitangngé lao ri Aléna wettunna mutulung Saudara-saudara siatepperengngé, riyolo sibawa makkekkuwangngé.

WAHYU 3:5

Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.