NEHEMIA 13:10 - KITTA KAREBA MADECENG

¹⁰ Ri lainnaéro, ulolongengngi makkedaé sining pacculé musi'é sibawa sining tau Léwié nasalaini Yérusalém nalisu risining dare'na tungke'-tungke', nasaba dé' napaggenne'i ra'ya'é apparelluwanna.

NEHEMIA 13:10 ပူးပေါင်းရင်းမြစ်များ

2 TAWARIKH 31:4

Ri lainnaéro nasuroi arungngé pabbanuwana Yérusalém tiwi pakkasuwiyang iya ripattentué untu' sining imangngé sibawa tau Léwié, kuwammengngi naulléi mennang pattujui sininna perhatiyanna mennang lao ri attumaningngé ri Bolana Puwangnge pada-pada iya tarokié ri laleng hukkung-hukkunna Puwangnge.

NEHEMIA 10:37

Ritiwii matu lao risining imangngé ri Bolana Puwangnge lama labbu polé ri gandongngé iya bunge' riyéngngalaé tungke' taung, makkuwatoro sining pakkasuwiyang laing maddupa anggoro'é, minnya zaitun sibawa sininna rupanna buwa-buwaé. Pakkasuwiyang tawa seppulo polé ri dare'ta ritiwii matu risining tau Léwi iya lélééngngi sining pakkasuwiyang tawa seppuloé ri kota-kota allaonrumangngé.

NEHEMIA 10:39

Ra'ya' Israélié sibawa sining tau Léwié harusu'i tiwi sumbangeng mattette maddupa gandong, anggoro sibawa minnya zaitun risining bili' bokongngé onronna taroi paréwa-paréwanna Bolana Puwangnge. Kuwatoniro onronna sining imang iya mattengngangngé majjama, sining panganrowang gerbang Bolana Puwangnge sibawa sining pakkélongngé. Dé' tajampaléllériwi matu parakaiwi Bolana Puwat-ta.

NEHEMIA 12:47

Ri wettunna Zérubabél sibawa wettunnato Néhémia, sininna ra'ya' Israélié mabbéréi pakkasuwiyang untu' paggenne'i apparelluwang esso-essona sining pakkélongngé sibawa panganrowang gerbang Bolana Puwangnge. Mabbéréi ra'ya'é pakkasuwiyang ripallaing lao risining tau Léwié na sining tau Léwié nawéréng towi sining imangngé bagiyang puraé ripattentu.

YESAYA 43:23

Dé' mutiwi bimbala untu' akkarobangeng ritunummu, dé' mupakalebbi-Ka sibawa pakkasiwiyamu. Padahal dé' Upatiwiriko sibawa akkarobangeng, iyaré'ga sussaiko sibawa tuntu kamennyang.

MALEAKHI 3:8

Makkekkuwangngé makkutana-Ka ri iko: Weddigga tauwé belléi Allataala? Tentuni dé'. Iyakiya iko mubellé-Ka. Makkutanako, ‘Pékkugiwi?’ Pappébalik-Ku: Ri laleng muwajana tawa seppuloé sibawa mabbéré pakkasuwiyang.

ABBILANGENG 35:2

“Palettu'i lao ri bangsa Israélié makkedaé polé ri tana manana iya maéloé natarima mennanro, siyagangngaré kotana sibawa padang wellaé ri seddéna harusu'i mennang nabbéréyang lao ri tau Léwié kuwammengngi weddingngi mennang monro kuwaro.

ULANGENG 12:19

Jagaiwi aja' narapii muleppessangngi appang Léwié kariyariya ri wettu tuwomu mupa ri wanuwaéro.