NEHEMIA 13:1 - KITTA KAREBA MADECENG

¹ Wettunna ribacangeng hukkunna Musa lao ri ra'ya'é, rilolongenni pappakatajangngéwé: ‘Tau Amongngé sibawa Moab-é dé' sises-siseng nawedding masséddi sibawa umma'na Allataala;

NEHEMIA 13:1 ပူးပေါင်းရင်းမြစ်များ

2 ARUNG-NGARUNG 23:2

Nainappa silaong mennang lao ri Bolana Puwangnge, riyaccowéri risining imangngé, sining nabié sibawa sininna ra'ya'é, muwi iya kasiyasié iyaré'ga iya sugié. Ri yolona iya maneng mennang, ri seddéna pilar iya ripallaingngé untu' arungngé, tettonni arungngé nanabacai sibawa sadda battowa sininna lise'na kitta assijancing iya puraé naruntu ri Bolana Puwangnge. Nainappa mébbu arungngé assijancing sibawa Puwangnge untu' mapato ri Aléna, enrengngé pajoppai sibawa sukku atinna nenniya sukku nyawana sininna parénta-Na sibawa hukkung-hukkun-Na. Majjanci towi arungngé untu' pennoiwi sara'-sara'na assijancinna Puwangnge sibawa umma'-Na iya tarokié ri laleng kitta'éro. Sininna ra'ya'é turui majjanci untu' mapato lao ri assijancingngéro.

NEHEMIA 13:23

Iyaro wettué uwita towi makkedaé maéga tau Yahudi pura kawing sibawa sining makkunrai polé ri bangsa Asdod, Amon sibawa Moab.

NEHEMIA 2:10

Iyakiya wettunna Sanbalat, tau Bét-Horon, sibawa Tobia, séddiwi pajaba polé ri Amon, naéngkalinga makkedaé poléka untu' apentingenna bangsa Israélié, massessekalé senna'ni mennang.

NEHEMIA 2:19

Wettunna iyaro rancanata naisseng Sanbalat, Tobia sibawa Gésyem, séddiwi tau Arab, nacawa-cawaini sibawa méllé-kéllé'ki. Makkedai mennang, “Aga maélo mupogau'? Maélokoga maronta lao ri arungngé?”

NEHEMIA 4:3

Nainappa Tobia iya tettongngé ri seddéna makkeda toni, “Itai témbo iya napatettongngé mennang! Muwi asu ale naulléto ruttungngi!”

NEHEMIA 8:2

Nanatiwini Ezra iyaro kitta'é ri yolona jema'é, worowané, makkunrai sibawa ana'-ana' iya balléré'énna untu' mappahang.

NEHEMIA 9:3

Kira-kira tellu jang ittana, kitta Hukkunna Puwangnge, Allataalana mennang, ribacangeng mennang sibawa tellu jang rappina mangakuiwi dosa-dosana. Purairo suju'ni mennang sibawa sompai Puwangnge, Allataalana.

YESAYA 34:16

Sappani sibawa bacai ri laleng Kitta'na Puwangnge: Dé' muwi séddi polé ri mahlu'éro teddéng matu iyaré'ga temmappasangeng. Saba' makkuwaniro paréntana Puwangnge, sibawa Aléna muto pura paddeppungengngi mennang.

YEREMIA 48:1

Iyanaé napowada Puwang Iya Pommakuwasaé, Allatalana Israélié passalenna Moab, “Macilakani pabbanuwana Nébo, maruttunni kotana! Risittaini Kiryataim, sibawa bénténna iya masse'é riancuru'ni, angkanna mancaji masiri pabbanuwana;

AMOS 1:13

Makkedai Puwangnge, “Makkolik-kolinni madosa bangsa Amongngé, rimakkuwannanaro pasti Uhukkungngi matu mennang. Wettunna mammusu untu' lowangiwi daérana, napuwé'i mennang babuwana sining makkunrai mattampu'é ri Giléad.

ABBILANGENG 22:5

kiring suro untu' mobbii Biléam, ana' Béor, iya monroé ri kota Pétor seddéna Salo Efrat ri daéra Amau. Risuroi mennang palettu'i lao ri Biléam iyaé pasengngé polé ri Balak, “Issenni, engka séuwa bangsa polé ri Maséré; sining taunna tattale lao kégi-kégi sibawa sadiyana gasai wanuwatta.

LUKAS 10:26

Nappébali Yésus, “Aga taroki ri laleng Kitta'é? Pékkugi pallolongemmu passalenna gau'éro?”

RIWAYA'NA RASUL-RASUL-E 13:15

Puranana nabaca Kitta'na Musa sibawa Kitta'na Nabi-nabié, iyaro sining pamimpinna bola assompangngé nasuroni tauwé makkutana lao ri Paulus sibawa sellao-sellaona, “Saudara-saudara, rékko engka pangajana saudara untu' sining tauwéwé, tapalettu'ni iyaro pangajaé.”

RIWAYA'NA RASUL-RASUL-E 15:21

Saba' hukkunna Musa riyolopa nariyolo naribacangeng tungke' esso Saba' risining bola assompangngé, sibawa riyabbirittang ri sininna kotaé.”