NEHEMIA 12:8 - KITTA KAREBA MADECENG

⁸ Sining tau Léwié: Pamimpinna élong sukkuru'é: Yésua, Binui, Kadmiél, Sérébya, Yéhuda sibawa Matanya.

NEHEMIA 12:8 ပူးပေါင်းရင်းမြစ်များ

1 TAWARIKH 9:33

Sibagiyang tau Léwi iya laingngé mancaji pakkélongngi ri Bolana Puwangnge. Kapala-kapala kaluwargana mennang iya monroé risiyagangngaré bili' ri Bolana Puwangnge. Dé' nariwéréng mennang jamang laing, nasaba majjamai esso wenni.

EZRA 2:40

Appang kaluwargana Léwi iya lisué polé ri appalirengngé iyanaritu: Yésua sibawa Kadmiél (wija-wijanna Hodawya) – 74 Sining pakkélongngé ri Bolana(wija-wijanna Asaf) – 128 Panganrowanna gerbangngé ri Bolana(wija-wijanna Salum, Ater, Talmon, Akub, Hatita sibawa Sobai) – 139

EZRA 3:2

nainappa Yésua ana' Yozadak enrengngé sellao-sellaona sining imangngé sibawa Zérubabél ana' Séaltiél nenniya sumpulolona, patettongngi paimeng mézbana Allataalana Israélié. Nanallalengiwi weddinni mennang mattunu akkarobangeng ri yasé'na, situru sibawa panunju-panunju iya tarokié ri laleng kitta Hukkunna Musa, atanna Allataala.

NEHEMIA 11:22

Panganrowanna sining tau Léwi iya monroé ri Yérusalém iyanaritu Uzi ana' Bani sibawa eppona Hasabya. Néné-nénéna iyanaritu padaénna Matanya sibawa Mikha. Muttama'i appanna Asaf, iya murusu'éngngi musi'é ri assompangngé ri Bolana Puwangnge.

NEHEMIA 12:24

Ri yawa pappimpinna Hasabya, Sérébya, Yésua, Binui sibawa Kadmiél, sining tau Léwié ribagéi ri laleng kalompo-kalompo. Sises-siseng engka duwa kalompo iya majjamaé pojiwi Puwangnge sibawa sukkuru lao ri Aléna secara sibali-bali, situru sibawa peraturanna Arung Daud, atanna Allataalaro.

NEHEMIA 12:9

Anggotana pakkélong iya makkélongngé élong pappébali: Bakbuya, Uni sibawa sellao-sellaona siappang.

NEHEMIA 7:43

Appang kaluwargana Léwi iya lisué polé ri appalirengngé iyanaritu: Yésua sibawa Kadmiél (wija-wijanna Hodéwa) – 74 Pacculé musi'é ri Bolana(wija-wijanna Asaf) – 148 Panganrowang gerbangngé ri Bolana(wija-wijanna Salum, Ater, Talmon, Akub, Hatita sibawa Sobai) – 138

NEHEMIA 9:4

Kuwaro engka mimbara untu' sining tau Léwié na ri yasé'na tettonni Yésua, Bani, Kadmiél, Sébanya, Buni, Sérébya, Bani sibawa Kénani. Nasibawang sadda macenno massempajanni mennang lao ri Puwang Allataalana.