NEHEMIA 12:44 - KITTA KAREBA MADECENG

⁴⁴ Iyaro wettué siyagangngaré tau risuro jagaiwi bili'-bili' bokong onrong attarong sining sumbangengngé untu' Bolana Puwangnge, muttama'ni pakkasuwiyang tawa seppuloé sibawa wassélé mammulangngé tungke' taung. Iyaro sining pajagaé waji'i paddeppungengngi sining sumbangengngéro polé risining dare'é ri seddéna kotaé. Iyaro sining sumbangengngé nabbéréyangngi lao risining imangngé sibawa sining tau Léwié, situru sibawa peraturang Hukkungngé. Sining tau Yéhudaé pakarajai sining imangngé sibawa sining tau Léwiéro,

NEHEMIA 12:44 ပူးပေါင်းရင်းမြစ်များ

1 TAWARIKH 23:28

Harusu'i mennang bantui imang-ngimang wija-wijanna Harun ri laleng pajoppai upacara assompangngé ri Bolana Puwangnge, piyarai seddéna sibawa sining bili'é ri Bolana Puwang-ngéro, enrengngé jagaiwi kuwammengngi sininna séuwa-séuwa iya puraé ripallaing untu' Puwangnge dé' namancaji najisi'.

1 TAWARIKH 26:20

Sining tau laingngé ri laleng suku Léwi riwéréngngi tanggung jawa' lao ri waramparanna Bolana Puwangnge sibawa gudang onrong taroi pabbéré-pabbéré untu' Allataala.

1 TAWARIKH 9:26

Iyakiya iya eppa kapala panganrowangngéro majjamai secara tette. Mattanggung jawa'i mennang ri bili'-bili'é ri Bolana Puwangnge sibawa barab-barang iya ritaroé kuwaro.

NEHEMIA 10:36

Ritiwii matu ana'-ana' worowanéta iya macowaé lao risining imangngé ri Bolana Puwangnge untu' mabbéréyangngi lao ri Allataala, situru sibawa peraturang Hukkungngé. Mabbéré tokki matu ana' saping, ana' bimbala iyaré'ga ana' bémbé'ta iya bunge' jajiyé.

AMSAL 8:34

Masennangngi tau iya méngkalingaékka iya tungke esso-essoé tudang mattajeng ri sumpang bolaku, sibawa majjaga-jaga ri gerbang onronna.

YESAYA 40:31

Iyakiya tau iya mattuwangngéngngi Puwangnge, lolongengngi matu awatangeng mabaru. Padai mennang kuwajangngé iya luttué matanré sibawa awatangeng pannina. Lariwi mennang sibawa dé' naposo, joppai mennang sibawa dé' namatekko.

ABBILANGENG 3:10

Iyakiya Harun sibawa ana'-ana'na harusu'i muwakka untu' pajoppai jamangngé selaku imang; rilainnaé mennang, nigi-nigi cobai pogau'i iyaro jamangngé harusu'i rihukkung maté.”

ROMA 12:7

Tau iya mappunnaiyé wéré untu' tulungngi tau laingngé, iyaro tauwé harusu'i mattonget-tongeng tulungngi tau laingngé. Tau iya mappunnaiyé wéré untu' mappagguru, iyaro tauwé harusu'i tonget-tongeng mappagguru.

ULANGENG 18:8

Harusu'i tarima inanré iya padaé égana pada-pada imang-ngimang laingngé; aga iya nalolongengngé polé ri kaluwargana, makkuwatoro untu' aléna.”