NEHEMIA 12:1 - KITTA KAREBA MADECENG

¹ Iyanaé sining imangngé sibawa sining tau Léwi iya lisué polé ri appalirengngé silaong sibawa Zérubabél ana' Séaltiél silaong Imang Lompo Yésua:

NEHEMIA 12:1 ပူးပေါင်းရင်းမြစ်များ

EZRA 3:2

nainappa Yésua ana' Yozadak enrengngé sellao-sellaona sining imangngé sibawa Zérubabél ana' Séaltiél nenniya sumpulolona, patettongngi paimeng mézbana Allataalana Israélié. Nanallalengiwi weddinni mennang mattunu akkarobangeng ri yasé'na, situru sibawa panunju-panunju iya tarokié ri laleng kitta Hukkunna Musa, atanna Allataala.

EZRA 3:8

Na ri uleng maduwaé, ri laleng taung maduwaé lisunnana tau Israélié ri Yérusalém, mammulani mennang patettongngi paimeng Bolana Puwangnge. Zérubabél, Yésua sibawa sellao-sellaona sibangsaé, sining imangngé, tau Léwié, riponcoki adaé, sininna tau puraé ripali, maccowé majjama. Sining tau Léwi iya makkéumuru'é 20 taung liyasé rijello untu' monrowangngi jama-jamang appatettongenna Bolana Puwang-ngéro.

EZRA 4:2

Rimakkuwannanaro naéwani mennang sita Zérubabél sibawa sining kapala appangngé, nainappa nappétangngareng, “Palaloki maccowé patettongngi Bolana Puwang-ngéro, saba' massompa tokki lao ri Allataalana saudara-saudara, pada-pada saudara maneng. Tuli makkasuwiyangekki akkarobangeng lao ri aléna sipongenna Esar-Hadon, arung Asyur tiwiki lao kumaiyé.”

EZRA 5:2

Naéngkalingana pasenna iya duwa nabiéro, napammulaini masitta Zérubabél ana' Séaltiél sibawa Yésua ana' Yozadak appatettongenna paimeng Bolana Puwangnge ri Yérusalém, ribantu ri iya duwa nabiéro.

NEHEMIA 11:36

Siyagangngaré rombongang tau Léwi iya riyolonaé monro ri daéra Yéhuda risuroi monro silaong sining tau Bényamingngé.

NEHEMIA 12:10

Iyanaé jori wijanna Imang Lompo Yésua: Yésua, Yoyakim, Elyasib, Yoyada,

NEHEMIA 12:2

Sining imangngé: Séraya, Yérémia, Ezra, Amarya, Malukh, Hatus, Sékhanya, Réhum, Mérémot, Ido, Ginétoi, Abia, Miyamin, Maaja, Bilga, Sémaya, Yoyarib, Yédaya, Salu, Amok, Hilkia, sibawa Yédaya. Mennang iyanaritu imang-ngimang kapala ri wettunna Yésua.

NEHEMIA 7:7

Sining pamimpinna mennang iyanaritu Zérubabél, Yésua, Néhémia, Azarya, Raamya, Nahamani, Mordékhai, Bilsan, Mispérét, Bigwai, Néhum sibawa Baana.

HAGAI 1:1

Ri taung maduwaé apparéntanna Arung Darius ri yasé'na Persia, ri tanggala séddinna uleng maennengngé, mabbicarai Puwangnge naolai Nabi Hagai. Iyaro pasenna Puwangnge napattujui lao ri Zérubabél ana' Séaltiél, gubernurna Yéhuda, sibawa lao ri Imang Lompoé Yosua ana' Yozadak.

HAGAI 1:12

Nainappa Zérubabél sibawa Yosua enrengngé sininna umma Israél iya lisuénna polé ri appalirengngé ri Babél, turusiwi ada-adanna Hagai, surona Puwang-ngéro. Napogau'ni mennang aga iya napparéntangngé Puwangnge lao ri mennang, nasaba métaui lao ri Puwangnge.

HAGAI 1:14

Makkuwaniro Puwangnge pakédoi atinna Gubernur Zérubabél, Imang Lompo Yosua enrengngé sininna tau iya lisuénna polé ri appalirengngé, kuwammengngi najjama maneng mennang patettongngi Bolana Puwang Iya Pommakuwasaé, Allataalana mennang.

HAGAI 2:2

Puwangnge suroi Hagai mabbicara lao ri Gubernur Zérubabél, Imang Lompo Yosua, enrengngé ra'ya'é untu' palettu'i pasengngéwé,

ZAKHARIA 6:11

Polé ri ulaweng sibawa péra' pabbéréna mennanro, ébbuno séddi passigera namupasangngi ri ulunna Imang Lompo Yosua ana' Yozadak.