NEHEMIA 10:34 - KITTA KAREBA MADECENG

³⁴ Idi, ra'ya'é, sining imangngé sibawa sining tau Léwié, mundiwi matu tungke' taung untu' pattentui appang niga iya harusu'é passadiya aju tunung untu' sining akkarobangeng pakkasuwiyangngé lao ri Puwang Allataalata, situru peraturang Hukkungngé.

NEHEMIA 10:34 ပူးပေါင်းရင်းမြစ်များ

1 TAWARIKH 24:5

Nasaba muwi ri laleng wija-wijanna Eléazar iyaré'ga ri laleng wija-wijanna Itamar engka pajaba-pajaba Bolana Puwangnge sibawa pamimping-pamimping agama, attawang jamangngé ripogau'i sibawa lotteréiwi.

1 TAWARIKH 24:7

Iyanaé nomoro atturu-turuseng léléng jamanna iya rilolongengngé polé ri loteréié untu' iya duwappulo eppa kalompo'éro: 1. Yoyarib 13. Hupa 2. Yédaya 14. Yésébéab 3. Harim 15. Bilga 4. Séorim 16. Imer 5. Malkia 17. Hézir 6. Miyamin 18. Hapizes 7. Hakos 19. Pétahya 8. Abia 20. Yéhézkiél 9. Yésua 21. Yakhin 10. Sékhanya 22. Gamul 11. Elyasib 23. Delaya 12. Yakim 24. Maazya

2 TAWARIKH 2:3

Nakirinni Salomo iyaé karébaé lao ri Hiram arung Tirus, “Sitinajai Puwang pakangka assisumpungeng dangkangeng sibawa iyya pada-pada sibawa Daud ambo'ku. Purani nabalu' puwang lao ri aléna aju camara Libanongngé untu' appatettongenna saorajana.

EZRA 3:5

Ri lainnaéro secara taratoro'i mennang makkasuwiyangeng akkarobangeng ritunu enrengngé akkarobangeng ri Esso Maraja Uleng Baru, sibawa ri sininna esso maraja laing iya ripakangkaé untu' sompai Puwangnge. Makkasuwiyangeng towi mennang pakkasuwiyang cenning ati lao ri Puwangnge.

NEHEMIA 11:1

Sining pamimpingngé mattette'i ri Yérusalém sibawa naundiwi ra'ya'é untu' pilé séddi kaluwarga polé ri tungke' seppulo kaluwarga iya harusu'é monro ri kota mapaccingngé Yérusalém. Iya dé'é natappilé weddingngi monro ri kota-kota laingngé.

NEHEMIA 13:31

Uwatoro' towi kuwammengngi na ri wettu-wettu mattentué, aju tunung untu' pakkasuwiyangeng akkarobangengngé weddingngi ripassadiya sibawa weddingngi ra'ya'é tiwi pakaksuwiyang wassélé bunge' mammulangngé. Paccappurenna massempajakka, “Allataalaku, éngngerangngi iya manennaé sibawa barakkakika.”

AMSAL 18:18

Nasibawang loteréi, weddingngi ripurai assisalangngé, mala muwi assisalangngé ri yelle'na tau makuwasaé naulléi purai.

YESAYA 40:16

Sininna olokolo'é ri ale Libanon dé' nagenne untu' mancaji akkarobangeng ritunu; céddé senna ajukajunna untu' ripancaji aju apinna.

ANGIMANGENG 24:5

Alano seppulo duwa kilo labbu iya kaminang makessingngé sibawa ébbuno seppulo duwa roti lébu, tungke'-tungke' polé risikilo labbu.

ANGIMANGENG 24:6

Palénne'i rotié ri laleng duwassusung, enneng roti tungke' susunna, ri yasé'na méjang mallapi ulaweng tuléng iya engkaé ri laleng Kémana Puwangnge.

ABBILANGENG 28:2

palettu'i ri bangsa Israélié makkedaé harusu'i mennang puriyatiwi sibawa malitutu kuwammengngi na ri wettu-wettu iya mattentué, riyakkasuwiyangengngi sining akkarobangeng maddupa inanré iya pésennangiyéngngi atinna Puwangnge.

RIWAYA'NA RASUL-RASUL-E 1:26

Purairo riloteréini iya duwa asengngéro, na Matias nakenna. Jaji riyakkani mancaji rasul untu' maccowé silaong iya seppulo séddi rasul laingngé.

YOSUA 9:27

Iyakiya ripancajiwi mennang ata – iyanaritu pappuwé aju sibawa pallémpa uwai untu' tau Israélié sibawa untu' mézbana Puwangnge. Lettu makkekkuwangngé napogau' mupi mennang iyaro pallaungngé ri onrong iya napilé Puwangnge mancaji onrong assompanna.